ఈసారి బాలయ్య పైసా వసూల్ పాన్ ఇండియా రేంజ్‌లోనే..ఉండబోతుందా..? అంటే ఖచ్చితంగా అవుననే ఫిక్సవ్వాలి. నట సింహం కెరీర్‌లో ఖచ్చితంగా చెప్పుకునే సినిమా పైసా వసూల్. టాలీవుడ్ డేరింగ్ అండ్ డాషింగ్ డైరెక్టర్ పూరి జగన్నాథ్ దర్శకత్వంలో వచ్చిన ఈ సినిమా బాక్సాఫీస్ వద్ద మంచి విజయాన్ని అందుకుంది. ముఖ్యంగా పైసా వసూల్ సినిమాలో బాలయ్య మేకోవర్, గెటప్, యాక్షన్ చాలా హైలెట్ అయ్యాయి. అంతేకాదు, ఈ సినిమాలో బాలయ్య చెప్పిన డైలాగ్స్ దాదాపు ఆయన కెరీర్‌కు దగ్గరాగా ఉన్నవే. పూరి బాలయ్యను ఎంత ఫాలో అయి ఉండకపోతే ఇలాంటి డైలాగులు రాస్తారు.
అందుకే, మరోసారు పైసా వసూల్ కాంబినేషన్ రిపీటవబోతుంది. ఈ సినిమాకి సంబంధించిన కథ కూడా పూరి జగన్నాథ్ రెడీ చేసినట్టు సమాచారం. కరోనా సెకండ్ వేవ్ సమయంలో పూరి జగన్నాథ్ తెరకెక్కిస్తున్న లైగర్ సినిమా షూటింగ్ ఆగిపోయింది. ఆ సమయంలో పూరి ఏడెనిమిది కథలను సిద్ధం చేసుకున్నారు. వాటిలో ఒకటి మాత్రం ప్రత్యేకంగా బాలయ్య కోసమే పూరి రాశారు. అంతేకాదు, ఈ సినిమాను భారీ బడ్జెట్‌తో పాన్ ఇండియా రేంజ్‌లో రూపొందించబోతున్నారు.
ఎందుకంటే పూరి జగన్నాథ్ ఇప్పుడు తెరకెక్కిస్తున్న జనగణమన పాన్ ఇండియా రేంజ్‌లో 5 భాషలలో రిలీజ్ చేయనున్నారు. ఇక లైగర్ కూడా పూరి 5 భాషలలోనే రిలీజ్ చేయనున్నారు. అంటే ఇక పూరి తన ప్రతీ సినిమాను పక్కా పాన్ ఇండియా రేంజ్‌లోనే తీయాలని డిసైడయ్యారని అర్థమవుతుంది. కాబట్టి..కాస్త ఆలస్యం అయినా కూడా బాలయ్య – పూరి కాంబోలో వచ్చే సినిమా పాన్ ఇండియా రేంజ్‌లో ప్లాన్ చేస్తున్నార‌ట. ఈ విషయంలో పూరీయే బాగా క‌సితో ఉన్న‌ట్టు తెలుస్తోంది.
ప్రపంచవ్యాప్తంగా తెలుగుతో పాటుగా మిగతా సౌత్ భాషలలో అలాగే హిందీలో రిలీజ్ చేస్తారని నందమూరి అభిమానులు ఫిక్సైయ్యారు. ఇక ప్రస్తుతం బాలయ్య హీరోగా గోపీచంద్ మలినేని ఓ సినిమాను రూపొందిస్తున్నారు. అన్నీ అనుకున్నట్టుగా పూర్తైతే ఈ సినిమాను దసరా బరిలో దింపనున్నారు. దీని తర్వాత అనిల్ రావిపూడి దర్శకత్వంలో సినిమా ఉంటుంది. ఆ తర్వాత బాలయ్య – పూరి సినిమా ప‌ట్టాలు ఎక్క‌నుంది.
