యంగ్ టైగర్ ఎన్.టి.ఆర్, మాటల మాంత్రికుడు త్రివిక్రం కాంబినేషన్ లో వస్తున్న సినిమా అరవింద సమేత. హారిక అండ్ హాసిని క్రియేషన్స్ బ్యానర్ లో ఎస్. రాధాకృష్ణ నిర్మిస్తున్న ఈ సినిమాలో పూజా హెగ్దె హీరోయిన్ గా నటిస్తుంది. 30 శాతం షూటింగ్ కంప్లీట్ చేసుకున్న ఈ సినిమా దసరా కానుకగా అక్టోబర్ 11న రిలీజ్ ఫిక్స్ చేశారట. ఎన్.టి.ఆర్ మొదటిసారి రాయలసీమ యాసలో మాట్లాడబోతున్న ఈ సినిమా త్రివిక్రం మార్క్ కామిక్ టచ్ కూడా ఉంటుందట.
సరదా సంభాషణలు రాయడంలో త్రివిక్రం కు తిరుగులేదు. ఈ క్రమంలో ఎన్.టి.ఆర్ అరవింద సమేతలో సరదా సరదాగా సాగుతుందట. ఫస్ట్ లుక్ తోనే సిక్స్ ప్యాక్ లో కనిపించి అలరించిన తారక్ సినిమాలో స్పెషల్ లుక్ తో కనిపిస్తాడని తెలుస్తుంది. తమన్ మ్యూజిక్ అందిస్తున్న ఈ సినిమా ఎన్.టి.ఆర్ హిట్ మేనియాను కంటిన్యూ చేస్తుందని అంటున్నారు.
కొన్నాళ్లుగా ఫ్యాక్షన్ కథలకు దూరంగా ఉన్న తారక్ చాలా రోజుల తర్వాత కత్తి పట్టాడు. మరి ఈ సినిమా ఎలాంటి సంచలనాలు సృష్టిస్తుందో చూడాలి. క్రేజీ కాంబినేషన్ లో భారీ అంచనాలతో వస్తున్న ఈ మూవీ దసరా బరిలో నిలుస్తుంది.
