పవన్ కళ్యాణ్ పుట్టిన రోజు సంద‌ర్భంగా బుధ‌వారం అంతా పవన్ ఫ్యాన్స్‌కు కావాల్సిన‌న్ని అప్‌డేట్లు దొరికాయి. ఒక‌దానిని మించిన మ‌రొక అప్‌డేట్‌తో పవన్ ఫ్యాన్స్ పండ‌గ చేసుకున్నారు. ఉద‌యం వ‌కీల్‌సాబ్ మోష‌న్ పోస్ట‌ర్ ఆ వెంట‌నే క్రిష్ సినిమా ప్రి లుక్, పవన్ – సురేంద‌ర్ రెడ్డి సినిమా ప్ర‌క‌ట‌న, సాయంత్రం హ‌రీష్ శంక‌ర్ సినిమా లుక్ సైతం రివీల్ అయ్యింది. ఇలా ఉద‌యం నుంచి సాయంత్రం వ‌ర‌కు సోష‌ల్ మీడియాలో ఈ అప్‌డేట్లు ట్రెండ్ అవుతూనే ఉన్నాయి.
ఇన్ని అప్‌డేట్స్ మ‌ధ్య నిన్న ఓ ఆస‌క్తిక‌ర‌మైన అప్‌డేట్ కూడా వ‌చ్చింది. మాధవీలత ప్రధానపాత్రలో రూపొందుతోన్న ఒక సినిమా ‘సత్యాగ్రహి’. కృష్ణచైతన్య దర్శకత్వంలో శ్రీ భవిత క్రియేషన్స్ పతాకంపై గంగారెడ్డి నిర్మిస్తున్నారు. పవన్ బ‌ర్త్ డే సంద‌ర్భంగా ఈ సినిమాలో మాధవీలత ఫ‌స్ట్ లుక్ రివీల్ చేశారు. ఆమె ఓ మైక్ ప‌ట్టుకుని ఉంటే.. ఆ వెన‌క బ్యాక్‌గ్రౌండ్లో పవన్ కళ్యాణ్ ఉన్నారు. ఈ పోస్ట‌ర్‌పై మా నాయ‌కుడు ఓట్లు అడ‌గ‌మ‌ని చెప్పాడు… కొన‌మ‌ని కాదు అన్న క్యాప్ష‌న్ రాశారు.
ఈ లుక్ పవన్ ఫ్యాన్స్‌ను, జ‌న‌సేన కార్య‌క‌ర్త‌ల‌ను బాగా ఆక‌ట్టుకుంది. ఇక గ‌తంలోనే స‌త్యాగ్రాహి టైటిల్‌తో పవన్ ఓ సినిమా చేయాల‌నుకున్నా కుద‌ర్లేదు. పోస్ట‌ర్ రిలీజ్ చేసి ఆపేశారు. ఇప్పుడు అదే టైటిల్‌తో మాధవీలత సినిమా చేస్తోంది. ఏదేమైనా ఈ పోస్ట‌ర్ కూడా నిన్న పవన్ అభిమానుల‌ను, జ‌న‌సేన కార్య‌క‌ర్త‌ల‌ను విప‌రీతంగా ఆక‌ట్టుకుంది. పవన్ ఆశ‌యాలు, సిద్ధాంతాలు ప్ర‌జ‌ల్లోకి తీసుక వెళ్లేలా ఈ సినిమా ఉంటుంద‌ని ద‌ర్శ‌కుడు చెపుతున్నాడు.
