యంగ్ టైగర్ ఎన్టీఆర్ బాబి కాంబినేషన్ లో వస్తున్న సినిమా జై లవకుశ. ఎన్.టి.ఆర్ ఆర్ట్స్ పతాకంలో నందమూరి కళ్యాణ్ రాం నిర్మిస్తున్న ఈ సినిమా నుండి వచ్చిన మొదటి టీజర్ జై పాత్రతో సృష్టించిన సంచలనాలు తెలిసిందే. టీజర్ తో రికార్డుల లెక్క తేల్చిన తారక్ ఈసారి మరో పాత్ర లవ కుమార్ టీజర్ రిలీజ్ చేయబోతున్నారట. ఇక ఆ లుక్ ఎప్పుడు ఆ టీజర్ విశేషాలకు సంబందించిన విషయాలను రేపు ఉదయం 10 గంటలకు తెలియచేస్తారని ఎన్టీఆర్ బ్యానర్ అఫీషియల్ ట్వీట్ లో తెలిపారు.
జై గా రావణ రాక్షసత్వం చూపించిన తారక్ లవ కుమార్ గా ఎలా ఉంటాడో అని ఫ్యాన్స్ లో ఓ ఎక్సయిట్మెంట్ మొదలైంది. జై పాత్రతోనే సినిమా హిట్ అని భావిస్తున్న ఫ్యాన్స్ అంచనాలను ఇంకాస్త పెంచేందుకు మిగతా పాత్రలను రిలీజ్ చేస్తున్నాడు డైరక్టర్ బాబి. దేవి శ్రీ ప్రసాద్ మ్యూజిక్ అందిస్తున్న ఈ సినిమాలో తారక్ మూడు డిఫరెంట్ రోల్స్ చేస్తున్నాడు. రాశి ఖన్నా, నివేథా థామస్ హీరోయిన్స్ గా నటిస్తున్న ఈ సినిమా సెప్టెంబర్ 21న రిలీజ్ అవబోతుంది. మరి సంచలనాలకు కేంద్రంగా మారుతున్న ఈ జై లవకుశతో తారక్ ఎలాంటి ప్రభంజనం సృష్టిస్తాడో చూడాలి.
