ఐకాన్ స్టార్ అల్లు అర్జున్ సినిమా సినిమాకు ఎవ్వ‌రికి అంద‌నంత ఎత్తులో దూసుకుపోతున్నాడు. అస‌లు బన్నీ క్రేజ్ అయితే మామూలుగా లేదు. సినిమాల్లో మాత్రమే కాకుండా.. ఇటు సోష‌ల్ మీడియాలో బ‌న్నీకి అమాంతం ఫాలోయింగ్ పెరిగిపోతోంది. బన్నీ సోష‌ల్ మీడియా ఖాతాలో లైకులు, కామెంట్ల వ‌ర్షంతో మార్మోగిపోతూ ఉంటాయి. బన్నీ స్టైల్‌కు కేవలం తెలుగు వాళ్లు మాత్రమే కాదు.. సౌత్ టు నార్త్ వ‌ర‌కు అందరూ ఫిదా అయిపోతున్నారు.
బ‌న్నీకి ఇప్ప‌టికే ఏపీ, తెలంగాణ‌తో పాటు క‌ర్నాక‌ట, అటు కేర‌ళ యూత్‌లో భయంక‌ర‌మైన ఫాలోయింగ్ ఉంది. ఇప్పుడు పుష్ప సినిమాతో నార్త్ ఇండియాలో పాగా వేసేశాడు. ఇప్పుడు అందరూ పుష్ప 2 సినిమా కోసం వెయిట్ చేసేలా చేశాడు. అస‌లు పుష్ప సినిమాను బాలీవుడ్‌లో ఎవ్వ‌రూ ప్ర‌మోట్ చేయ‌లేదు. కేవలం బన్నీ పాత సినిమాల్లో స్టైల్‌, అత‌డి మేనరిజ‌మ్స్ న‌చ్చే పుష్ప సినిమాను పెద్ద హిట్ చేసి ప‌డేశారు.
దీనిని బ‌ట్టే నార్త్ యూత్‌లోనూ, నార్త్ సినీ ల‌వ‌ర్స్‌లోనూ బన్నీ క్రేజ్ చాప‌కింద నీరులా ఎలా పాకేస్తుందో అర్థ‌మ‌వుతోంది. తాజాగా బన్నీ సౌత్ ఇండియాలో టాప్ స్టార్‌గా నిలిచాడు. ప్ర‌తి యేటా గూగుల్ సంస్థ టాప్ 100 సెర్చ్ ఏషియ‌న్స్ లిస్ట్ రిలీజ్ చేస్తోంది. 2022 యేడాది మిడ్ వ‌ర‌కు నెటిజ‌న్లు సెర్చ్ ఇంజిన్‌లో సెర్చ్ చేసిన టాప్ 100 ఏషియ‌న్స్ లిస్టులో మ‌న సౌత్ నుంచి ఐకాన్ స్టార్ అల్లు అర్జున్ ఫస్ట్ ప్లేసులో నిలిచాడు.
రెండేళ్ల క్రితం త్రివిక్ర‌మ్ ద‌ర్శ‌క‌త్వంలో అల వైకుంఠ‌పురంలో లాంటి బిగ్గెస్ట్ హిట్ త‌న ఖాతాలో వేసుకున్న బన్నీ తాజాగా పుష్ప సినిమాతో పాన్ ఇండియా లెవ‌ల్లో తిరుగులేని హిట్ కొట్టాడు. ఇక ఈ గూగుల్ సెర్చ్‌లో కోలీవుడ్ నుంచి చూస్తే ఇళ‌య ద‌ళ‌ప‌తి విజ‌య్ టాప్ ప్లేసులో నిల‌వ‌గా… సౌత్ నుంచి హీరోయిన్స్ ప‌రంగా చూస్తే కాజ‌ల్ అగ‌ర్వాల్ ఫస్ట్ ప్లేసులో ఉంది.
ఇక వీరి త‌ర్వాత హీరోయిన్ల‌లో సమంత – న‌య‌న‌తార – త‌మ‌న్నా – పూజా హెగ్డే ఆ త‌ర్వాత స్థానాల్లో ఉన్నారు. హీరోల్లో బన్నీ త‌ర్వాత మ‌హేష్‌బాబు, జూనియ‌ర్ ఎన్టీఆర్‌, రామ్‌చ‌ర‌ణ్‌, ప్రభాస్ త‌దిత‌రులు త‌ర్వాత స్థానాల్లో ఉన్నారు. ప్ర‌స్తుతం ఈ లిస్ట్ సోష‌ల్ మీడియాలో బాగా వైరల్ అవుతోంది.
