ప్రముఖ కూచిపూడి డాన్సర్ సంధ్య రాజు ‘నాట్యం’ అనే సినిమాతో మన ముందుకు రాబోతున్న విషయం తెలిసిందే. నటి గా, నిర్మాత గా, కొరియోగ్రాఫర్ గా, ప్రొడక్షన్ డిజైనర్ గా, కాస్ట్యూమ్ డిజైనర్‌గా అరంగేట్రం చేస్తున్నారు. ఇక ఈ సినిమాలో కమల కామరాజు, రోహిత్ బెహల్, ఆదిత్య మీనన్, శుభలేకా సుధాకర్ మరియు భానుప్రియ నాట్యంలో కీలక పాత్రలు పోషిస్తున్నారు. ‘నాట్యం’ అక్టోబర్ 22 న థియేటర్‌లో విడుదల కానుంది. సంధ్య రాజు తన నిర్మాణ సంస్థ నిశ్రింకల ఫిలిమ్స్ కింద ఈ చిత్రాన్ని నిర్మించారు. రేవంత్ కోరుకొండ ఈ సినిమాతో దర్శకుడిగా, సినిమాటోగ్రాఫర్‌గా, ఎడిటర్‌గా పరిచయం అవుతున్నారు.
కాగా ‘నాట్యం’ సినిమాలకు టాప్ సెలెబ్రిటీల సపోర్ట్ బాగా లభిస్తోంది. ఇప్పటికే ఈ సినిమా ప్రమోషన్ కార్యక్రమాల్లో నాగార్జున, వెంకటేష్, బాలకృష్ణ వంటి స్టార్ హీరోలంతా భాగమయ్యారు. తాజాగా మెగా పవర్ స్టార్ రామ్ చరణ్ ఈ సినిమా ట్రైలర్ ను రిలీజ్ చేశారు. ‘నాట్యం’ సినిమా తనకు నచ్చిందని చెబుతూ చిత్రబృందానికి ఆల్ ది బెస్ట్ చెప్పాడు. తాజాగా మెగాస్టార్‌ చిరంజీవి ప్రశంసలు ఈ చిత్ర యూనిట్‌కు లభించాయి.
ఆయన ఈ చిత్రం గురించి మాట్లాడుతూ ‘సాధారణంగా ఈ తరహా చిత్రాలు అనగానే విశ్వనాథ్‌గారు గుర్తుకు వస్తారు. ఆయన్ని స్ఫూర్తిగా తీసుకుని ‘నాట్యం’ సినిమాను తీసినట్టు నాకు అనిపిస్తోంది అన్నారు. ఈ సినిమా ద్వారా నాట్యం గొప్పదనం కొన్ని కోట్ల మందికి చేరుతుంది. ‘శంకరాభరణం’ తెలుగు సినిమా చరిత్రలో ఓ క్లాసిక్‌గా నిలిచిపోయింది. అదే కోవలో ‘నాట్యం’ ప్రజాశీస్సులు పొందాలని కోరుకుంటున్నా’ అన్నారు.
