యంగ్ టైగర్ ఎన్.టి.ఆర్ హీరోగా మాటల మాంత్రికుడు త్రివిక్రం కాంబినేషన్ లో వస్తున్న సినిమా అరవింద సమేత. ఎస్. రాధాకృష్ణ నిర్మిస్తున్న ఈ సినిమాలో పూజా హెగ్దె హీరోయిన్ గా నటిస్తుంది. సినిమా ఎమోషనల్ గా నడుస్తున్నా మధ్యలో వచ్చే ఫైట్ సీన్స్ మాత్రం అదిరిపోతాయట. ఇవి చాలా స్పెషల్ గా ఉండేలా ప్లాన్ చేస్తున్నారట.
అయితే ఎన్.టి.ఆర్ కోసం ఓ స్పెషల్ ఫైట్ అనుకున్నారట. అత్తారింటికి దారేది సినిమాలో కళ్లజోడు ఫైట్ మాదిరిగా ఈ ఫైట్ ఉంటుందట. సినిమాలో ఆ ఫైట్ హిట్ అవుతుందని తెలిసినా ఆ ఫైట్ చూస్తే అత్తారింటికి దారేది ఫైట్ సీన్ గుర్తొస్తుందని అది వద్దనేశాడట తారక్. దాని బదులు వేరే ఫైట్ పెట్టమన్నారట.
ఫస్ట్ లుక్ తోనే సిక్స్ ప్యాక్ చూపించిన తారక్ ఈ సినిమాతో చాన్నాళ్ల తర్వాత పక్కా కమర్షియల్ ఎంటర్టైనర్ తో ప్రేక్షకుల ముందుకు రాబోతున్నాడట. దసరా బరిలో రిలీజ్ ప్లాన్ చేస్తున్న ఈ సినిమాకు తమన్ మ్యూజిక్ అందిస్తున్నాడు.
