మలయాళ ప్రేమంతో హిట్ అందుకోవడమే కాదు తెలుగులో ఫిదాతో సత్తా చాటిన భామ సాయి పల్లవి ఇప్పుడు తెలుగులో క్రేజీ బ్యూటీగా మారింది. తన అభినయంతో తెలుగు ప్రేక్షకుల మనసులు గెలుచుకున్న సాయి పల్లవి వరుసగా సినిమా అవకాశాలను అందుకుంటుంది. ఇక ఈ క్రమంలోనే ఓ స్టార్ హీరో సినిమా ఆఫర్ కూడా ఆమెకు వచ్చిందట.
కాని అమ్మడు మాత్రం ఆ స్టార్ సినిమాను చేయనని చెప్పేసిందట. కారణాలు ఏంటి అన్నది తెలియదు కాని సాయి పల్లవి నో చెప్పడంతో ఆ స్టార్ హీరో షాక్ కు గురయ్యాడట. తెలుగులో ఒక సినిమానే చేసినా సరే సాయి పల్లవికి మాత్రం ఊహించని క్రేజ్ వచ్చింది. ప్రస్తుతం నానితో ఎం.సి.ఏ సినిమాలో నటిస్తున్న సాయి పల్లవి ఆ తర్వాత నాగ శౌర్య సినిమాలో కూడా నటిస్తుండటం విశేషం.
తెలుగులో ఒక సినిమాతోనే స్టార్ ఆఫర్ అందుకోవడం గొప్ప విషయమే కాగా అమ్మడు వచ్చిన అవకాశాన్ని సైతం కాదనడం షాకింగ్ గా మారింది. మరి సాయి పల్లవి ఈ నిర్ణయానికి గల కారణాలేంటో కాని ఈ న్యూస్ ప్రస్తుతం సోషల్ మీడియాలో హడావిడి చేస్తుంది.
