యాక్షన్ సన్నివేశాలంటే తారక్‌కి వెన్నతో పెట్టిన విద్య. ఎంత భారీ ఎపిసోడ్‌లైనా సరే.. అలుపుసొలుపు లేకుండా ఇరగదీసేస్తాడు. రిస్కీ సీన్లలో సైతం డూప్స్ లేకుండా సత్తా చాటుతాడు. లెంగ్త్ ఎక్కువైనా ఫర్వాలేదు.. కుమ్ముడు ఆపడం మానడు. ఆ స్థాయి ఎనర్జీ వుంది కాబట్టే అతనికి మాస్ ఆడియెన్స్ బాగా కనెక్ట్ అయిపోయారు. అందుకే.. తారక్ ప్రతి సినిమాలోనూ హై-వోల్టేజ్ యాక్షన్ సీన్స్ వుండేలా ప్లాన్ చేస్తాడు. దర్శకనిర్మాతలు సైతం ఫ్యాన్స్‌ని సంతోషపెట్టేలా ఎన్టీఆర్‌తో అదిరిపోయే యాక్షన్స్ చేయిస్తాడు. ఇప్పుడు తారక్ చేస్తున్న ‘జై లవ కుశ’ సినిమాలోనూ ఆ తరహా యాక్షన్ ఎపిసోడ్స్ డైరెక్టర్ బాబీ పెట్టినట్లు సమాచారం.
ప్రస్తుతం ఈ సినిమా షూటింగ్ హైదరాబాద్‌లోని బూత్ బంగ్లాలో జరుగుతోంది. అక్కడ ఒక యాక్షన్ ఎపిసోడ్‌ని చిత్రీకరిస్తున్నారు. ఇందుకోసం ఓ భారీ సెట్ కూడా వేశారు. ఈ యాక్షన్ ఎపిసోడ్ సినిమాలోకెల్లా హైలైట్ అయ్యే రేంజులో బాబీ తెరకెక్కిస్తున్నట్లు తెలిసింది. గత సినిమాలతో పోల్చుకుంటే, ఈ ఎపిసోడ్‌లో తారక్ విలన్లను బలంగా ఉతికి ఆరేస్తాడని, మాస్ ఆడియెన్స్‌కి ఈ సీన్లు ఉర్రూతలూగించేలా వుంటాయని యూనిట్ వర్గాలు పేర్కొంటున్నాయి. అంటే.. ఈ ఫైట్ సీన్ మాస్ ఆడియెన్స్‌కి ప్రత్యేక ట్రీట్‌లా వుండబోతోందన్నమాట. ఇందులో తారక్ సరసన రాశీఖన్నా, నివేదా థామస్‌లు హీరోయిన్లుగా నటిస్తుండగా.. నందిత, హంసా నందినిలు ప్రత్యేక పాత్రలు పోషిస్తున్నారు. కళ్యాణ్ రామ్ నిర్మిస్తున్న ఈ చిత్రాన్ని సెప్టెంబర్ 1న రిలీజ్ చేయాలని యూనిట్ ప్లాన్.
