పవర్ స్టార్ పవన్ కళ్యాణ్ వరుస పెట్టి సినిమాల్లో నటిస్తూ దూసుకుపోతున్నారు. ప్రస్తుతం పవన్ చేతిలో ఏకంగా నాలుగు ఐదు సినిమాలు ఉన్నాయి. క్రిష్ దర్శకత్వంలో పవన్ నటిస్తున్న హరిహర వీరమల్లు సినిమా షూటింగ్ నడుస్తోంది. ఈ సినిమాను ఈ ఏడాది ప్రేక్షకుల ముందుకు తీసుకువచ్చేందుకు ప్రయత్నాలు జరుగుతున్నాయి. నిధి అగర్వాల్ హీరోయిన్గా నటిస్తున్న ఈ సినిమా పీరియాడికల్ డ్రామాగా తరికెక్కుతోంది.
అలాగే పవన్ కళ్యాణ్ తన మేనల్లుడు సాయిధరమ్ తేజ్ కలిసి తొలిసారిగా నటిస్తున్న సినిమా షూటింగ్ తో పాటు సుజిత్ దర్శకత్వంలో ఓజి – హరీశంకర్ దర్శకత్వంలో ఉస్తాద్‌ భగత్ సింగ్ సినిమాలో కూడా సెట్స్‌ మీద ఉన్నాయి. ఇక పవన్ – సాయితేజ సినిమా విషయానికి వస్తే కోలీవుడ్ సూపర్ హిట్ వినోదయ సీతం సినిమాకు రీమేక్ గా వస్తుంది.
ప్రముఖ తమిళ హీరో సముద్రఖని దర్శకత్వంలో ఈ సినిమా షూటింగ్ శ‌రవేగంగా జరుపుకుంటుంది. ఇప్పటికే పవన్ కళ్యాణ్ నటించిన పార్ట్‌ షూటింగ్ కూడా పూర్తయింది. ఈ సినిమా టైటిల్ గురించి ఇటీవల సోషల్ మీడియాలో, మీడియాలో బాగా ప్రచారం జరుగుతుంది. లేటెస్ట్‌గా ఈ సినిమాకు దేవుడే దిగివచ్చినా అనే టైటిల్ ఫిక్స్ చేసినట్టు తెలుస్తోంది.
దీనిపై త్వరలోనే అధికారిక ప్రకటన రానుందని టాక్‌. పవన్ కళ్యాణ్ దేవుడిగా డిఫరెంట్ క్యారెక్టర్ లో కనిపిస్తాడని తెలుస్తోంది. ఈ సినిమాను జూలై 28న గ్రాండ్ గా రిలీజ్ చేస్తున్నారు. ఇప్పటికే రిలీజ్ డేట్ కూడా ప్రకటించడంతో అంచనాలు అయితే మామూలుగా లేవనే చెప్పాలి. పీపుల్స్ మీడియా ఫ్యాక్టరీ, జీ స్టూడియోస్ సంస్థల పై గ్రాండ్ గా తెర‌కెక్కుతోన్న ఈ సినిమాకు థ‌మ‌న్ స్వ‌రాలు అందిస్తున్నాడు.
