టాలీవుడ్ ఇండస్ట్రీలో ఒక్క హీరో కోసం రాసుకున్న కథను మరో హీరో చేయడం సర్వసాధారణం . అలా చాలామంది హీరోలకు జరుగుతూనే ఉంటాయి . అలా ఎంతోమంది హీరోలు మిస్ చేసుకుంటేనే .. ఇప్పుడు ఇండస్ట్రీలోకి ఇంతమంది హీరోలు ఎంట్రీ ఇచ్చి స్టార్లుగా మారారు. కాగా అదే లిస్టులోకి వస్తారు బన్నీ – ప్రభాస్ . గతంలో ఓ బ్లాక్ బస్టర్ సినిమా ఇంటి వరకు వచ్చిన సరే బన్నీ – ప్రభాస్ ఆ కథను రిజెక్ట్ చేశారు . దీంతో ఆ కథ రవితేజ వద్దకు వెళ్లి ఆయన కెరియర్ లోనే వన్ ఆఫ్ ది సూపర్ సక్సెస్ మూవీ గా నిలిచింది.
ఆ సినిమా మరేదో కాదు భద్ర. మాస్ డైరెక్టర్ బోయపాటి శ్రీను దర్శకత్వంలో తెరకెక్కిన ఈ సినిమాలో హీరోయిన్గా నటించింది మీరాజాస్మిన్ . ప్రకాష్ రాజ్ – ప్రదీప్ రావత్ – బ్రహ్మాజీ – ఝాన్సీ – మురళీమోహన్ -సునీల్ ఇతరులు ఇందులో కీలకపాత్ర పోషించి సినిమా సక్సెస్ కి కారణం అయ్యారు . శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మించిన ఈ చిత్రానికి దేవిశ్రీప్రసాద్ మ్యూజిక్ చాలా హైలెట్గా నిలిచింది .
అయితే బోయపాటి ఈ కథను ముందుగా వివరించింది ప్రభాస్ కి అంటూ తెలుస్తుంది. ఆయన రిజెక్ట్ చేయడంతో బన్నికి వినిపించారట . ఇక ఇద్దరు రిజెక్ట్ చేయడంతో అప్పుడప్పుడే హీరోగా ఎదుగుతున్న రవితేజ చేతిలో ఈ ప్రాజెక్టును పెట్టారు , ఆయన ఒప్పుకోవడం ..సినిమా తెరకెక్కించడం.. సినిమా హిట్ కొట్టడం చకచకా జరిగిపోయాయి..!!
