మాస్ మహారాజ రవితేజ క్రాక్ త‌ర్వాత ఫుల్ జోష్‌లో ఉన్నాడు. రాక్ష‌సుడు లాంటి రీమేక్ హిట్ త‌ర్వాత ఫామ్‌లోకి వ‌చ్చిన ర‌మేష్‌వ‌ర్మ ద‌ర్శ‌క‌త్వంలో రవితేజ చేసిన సినిమా ఖిలాడి. రవితేజ స‌ర‌స‌న డింపుల్ హయాతి – మీనాక్షి చౌదరి లు హీరోయిన్లుగా న‌టించారు. రవితేజ కెరీర్‌లో హ‌య్య‌స్ట్ బ‌డ్జెట్‌తో తెర‌కెక్కిన ఈ సినిమా రిలీజ్‌కు ముందే రు. 60 కోట్ల ప్రి రిలీజ్ బిజినెస్ చేసింది.
ఈ నెల 11న థియేట‌ర్ల‌లోకి రానున్న ఈ సినిమా తెలుగుతో పాటు హిందీ భాష‌ల్లో కూడా రిలీజ్‌కు రెడీ అవుతోంది. సెన్సార్ కంప్లీట్ చేసుకున్న ఖిలాడికి సెన్సార్ బోర్డు యూ / ఏ స‌ర్టిఫికేట్ జారీ చేసింది. ఇక ఈ సినిమా టోట‌ల్ రన్ టైం 154 నిమిషాలు. ఓవ‌రాల్‌గా 2.34 గంట‌ల రన్ టైంగా ఉంది. మాస్ ఖిలాడీ డ‌బుల్ ట్రీట్ ఇస్తుంద‌ని సెన్సార్ టాక్ బ‌య‌ట‌కు వ‌చ్చింది.
రవితేజ డ్యూయ‌ల్ రోల్ చేసిన ఈ సినిమా ప‌క్కా సాలిడ్ యాక్ష‌న్ ఎంట‌ర్టైన‌ర్‌గా తెర‌కెక్కింది. సినిమాలో కావాల్సినంత యాక్ష‌న్‌తో పాటు అదిరిపోయే పంచ్ డైలాగులు ఉన్నాయ‌ట. రవితేజ కెరీర్‌లో మరో మాస్ హిట్‌గా ఖిలాడి నిలుస్తుంద‌ని అంటున్నారు. దేవిశ్రీ ప్ర‌సాద్ మ్యూజిక్ ఇచ్చిన ఈ సినిమాను ఏ స్టూడియోస్‌, పెన్ మూవీస్ సంయుక్తంగా నిర్మించాయి.
