యువ‌ర‌త్న నంద‌మూరి బాల‌కృష్ణ తొలిసారి బుల్లితెర‌పై ఎంట్రీ ఇచ్చి సంద‌డి చేస్తోన్న సంగ‌తి తెలిసిందే. అల్లు అర‌వింద్‌కు చెందిన ఆహా ఓటీటీ ప్లాట్ ఫామ్‌లో బాల‌య్య అన్‌స్టాప‌బుల్ పేరుతో ఓ టాక్ షో చేస్తున్నాడు. ఈ టాక్ షో ఫ‌స్ట్ ఎపిసోడ్ దీపావ‌ళి కానుక‌గా ఇప్ప‌టికే స్ట్రీమింగ్ అయ్యింది. మంచు మోహ‌న్ బాబుతో పాటు ఆయ‌న త‌న‌యుడు విష్ణు, కుమార్తె ల‌క్ష్మీ ప్ర‌స‌న్న కూడా ఈ షోల పాల్గొన్నారు. ఫ‌స్ట్ ఎపిసోడ్‌కే అదిరిపోయే రెస్పాన్స్ వ‌చ్చింది. బాల‌య్య టాక్ షోలో కుమ్మి ప‌డేశాడు అని ప్ర‌తి ఒక్క‌రు మెచ్చుకున్నారు.
ఇక ఇప్పుడు బాల‌య్య సెకండ్ ఎపిసోడ్ నేచుర‌ల్ స్టార్ నానితో చేస్తున్నాడు. నాని – బాల‌య్య‌కు మ‌ధ్య అవినాభావ సంబంధం ఉంది. ఓ సినిమాలో నాని బాల‌య్య వీరాభిమానిగా క‌నిపిస్తాడు. అలాగే బాల‌య్య న‌టించిన శ్రీరామ‌రాజ్యం సినిమాకు నాని అసిస్టెంట్ డైరెక్ట‌ర్‌గా ప‌నిచేశాడు. ఆ సినిమాకు బాపు ద‌ర్శ‌కుడు కాగా.. నాని అసిస్టెంట్ ద‌ర్శ‌కుడిగా ప‌నిచేశారు. అలా ఈ ఇద్ద‌రి మ‌ధ్య ఉన్న అనుబంధం నేప‌థ్యంలోనే బాల‌య్య త‌న రెండో గెస్ట్‌గా నానినే చాయిస్ తీసుకున్నాడు.
ఇక ఇప్ప‌టికే రెండో ఎపిసోడ్‌కు సంబంధించి ప్రోమో వ‌చ్చింది. తాజాగా అన్‌స్టాప‌బుల్ షోకు సంబంధించి నంద‌మూరి నాయ‌కా సాంగ్ ప్రోమో వ‌చ్చింది. బాల‌య్య ఈ సాంగ్‌లో డ్యాన్స‌ర్ల‌తో క‌లిసి రెచ్చిపోయారు. ఆరు ప‌దుల వ‌య‌స్సులో కూడా మరో ఇర‌వై ఏళ్లు వెన‌క్కు వెళ్లి మ‌రీ బాల‌య్య డ్యాన్స్ చేసిన‌ట్టు క‌నిపించింది. బాల‌య్య‌లో వ‌య‌స్సు పై బ‌డినా ఆయ‌న ఎన‌ర్జీ మాత్రం ఏ మాత్రం వెన‌క్కు త‌గ్గ‌లేద‌నే చెప్పాలి.
పైగా డ్యాన్స‌ర్ బొడ్డు పై నుంచి చేయి పైకి క‌దుపుతూ త‌న‌లో రొమాంటిక్ బాల‌కృష్ణుడిని కూడా బ‌య‌ట పెట్టారు. యువ డ్యాన్స‌ర్ల‌తో పోటీ ప‌డుతూ చేసిన డ్యాన్స్ సూప‌ర్బ్‌గా ఉంది.
