సినిమా వాళ్ల‌కు ర‌క‌ర‌కాల అల‌వాట్లు ఉంటాయి. అలాగే ర‌క‌ర‌కాల బెట్టింగులు కూడా చేస్తుంటారు. ఇదిలా ఉంటే సీనియ‌ర్ హీరోయిన్ ల‌క్ష్మి కూడా ఒకానొక స‌మ‌యంలో గుర్ర‌పు పందాల‌పై బెట్టింగులు క‌ట్టార‌ట. ఈ విష‌యాన్ని ఆమే గ‌తంలో ఓ ఇంట‌ర్వ్యూలో చెప్పింది. సీనియ‌ర్ న‌టి అయిన ల‌క్ష్మి ఓ క‌న్న‌డ సినిమా షూటింగ్ కోసం బెంగ‌ళూరు వెళ్లారు. ఆ టైంలో త‌న ఫ్యామిలీ ఫ్రెండ్స్‌తో క‌లిసి గుర్ర‌పు రేస్‌ల‌కు వెళ్లింద‌ట. ఆమెకు రేస్‌ల‌కు వెళ్లే అలవాటు లేకపోయినా ఫ్యామిలీ ఫ్రెండ్స్ ఒత్తిడి చేయ‌డంతో స‌ర‌దాగా ఈ రేస్‌ల‌కు వెళ్లింద‌ట.
అక్క‌డ ఆ గుర్ర‌పు రేస్‌ల‌ను ఎంజాయ్ చేసిన ల‌క్ష్మీ ఓ గుర్రంపై పందెం క‌ట్టింద‌ట. కేవ‌లం రు. 5 పందెం క‌డితే ల‌క్ష్మీ పందెం క‌ట్టిన గుర్రం గెల‌వ‌డంతో ఆమెకు ఏకంగా రు. 500 వ‌చ్చాయ‌ట. ఆ పందెం గెల‌వ‌డంతో ఆమె ఆనందానికి అవ‌ధులు లేకుండా పోయాయ‌ట. పందెంలో గెలిచినా కూడా ఆమె మ‌న‌స్సు సంతృప్తిగా లేద‌ట. తాను ఈ డ‌బ్బు క‌ష్ట‌ప‌డి సంపాదించ‌లేద‌ని.. అన్యాయంగానే ఈ డ‌బ్బులు వ‌చ్చాయ‌న్న భావ‌న ఆమె మ‌న‌స్సులో క‌లిగింద‌ట.
ఈ క్ర‌మంలోనే ఆ డ‌బ్బును త‌న వ‌ద్ద ఉంచుకోకూడ‌ద‌ని నిర్ణ‌యించుకుని.. దానిని పేద‌ల‌కు పంచి పెట్టేసింద‌ట. ఆ తర్వాత ఆమె ఎప్పుడూ కూడా మ‌ళ్లీ గుర్ర‌పు రేస్‌ల‌పై బెట్టింగ్‌లు కాయ‌డం కాదు క‌దా.. క‌నీసం ఆ చాయ‌ల‌కు కూడా వెళ్ల‌లేద‌ట. ఇక గ‌త కొంత కాలంగా సినిమాల‌కు దూరంగా ఉన్న ల‌క్ష్మి ఇటీవ‌లే నందినీ రెడ్డి ద‌ర్శ‌క‌త్వంలో వచ్చిన ఓ బేబీ సినిమాలో న‌టించి విమ‌ర్శ‌కుల మెప్పు పొందింది.
