క్రియేటివ్ డైరెక్టర్ సుకుమార్ దర్శకత్వంలో వచ్చిన ‘రంగస్థలం’ సినిమాపై సినీ ప్రముఖుల నుంచి ప్రశంసల వర్షం కురుస్తూనే ఉంది. సెలబ్రిటీలు ఒక్కొక్కరుగా సినిమా చూస్తూ.. చిత్ర యూనిట్‌ను కొనియాడుతున్నారు. తాజాగా ఈ జాబితాలో జూనియర్ ఎన్టీఆర్ చేరాడు. చరణ్ నటన అద్భుతమని, ఆ పాత్రను ఇంకెవరూ అంత బాగా చేసేవారు కాదని తారక్ ట్వీట్ చేశాడు.
తారక్ ఇంకో ట్వీటులో – ” సాహసోపేతమైన, అద్భుతమైన సినిమా తీసిన సుకుమార్ కు నా అభినందనలు. పూర్వ కాలపు భావోద్వేగమైన పీరియడ్ డ్రామాలు తీయాలంటే చాలా ధైర్యం ఉండాలి. హ్యాట్సాఫ్ సుకుమార్” అని రాసుకొచ్చాడు. సమంత, దేవిశ్రీప్రసాద్, మైత్రి మూవీ మేకర్స్ కు మరియు ఈ సినిమాకు పనిచేసిన ప్రతిఒక్కరికి నా అభినందనలు అని ఇంకో ట్వీటులో పేర్కొన్నాడు.
