టాలీవుడ్ సూప‌ర్‌స్టార్ మహేష్ బాబు – మాట‌ల మాంత్రికుడు త్రివిక్రమ్ శ్రీనివాస్ కాంబినేషన్లో తెర‌కెక్కుతోన్న సినిమా సెట్ మీద వుండగానే, రాజమౌళి సినిమా ప్రీ ప్రొడక్షన్ ప‌నులు కాగితాల మీద రెడీ చేసుకుంటున్నార‌ట. ఈ ద‌స‌రా త‌ర్వాత ఆ సినిమా సెట్స్ మీద‌కు వెళ్ల‌వ‌చ్చ‌ని అంటున్నారు. రాజమౌళి – మ‌హేష్‌బాబు కాంబినేషన్లో తెర‌కెక్కే సినిమా ఫుల్ యాక్షన్ సినిమాగా ఉంటుందని వార్తలు వున్నాయి.
ఈ సినిమా కోసం రాజమౌళి మూడు నెలలపాటు మహేష్ బాబు ను ఓ రేంజ్‌లో టార్చ‌ర్ పెట్ట‌బోతున్నాడ‌ట. అంటే మూడు నెల‌ల పాటు మహేష్ కోసం ఓ ట్రైనింగ్ ప్రోగ్రామ్ ఏర్పాటు చేసిన‌ట్టు తెలిసింది. అయితే ఆ ట్రైనింగ్ ప్రోగ్రామ్ ఇండియాలో ఉంటుందా ? విదేశాల్లో వుంటుందా? అన్న క్లారిటీ లేదు. అయితే ఈ యేడాది చివ‌ర్లో లేదా వ‌చ్చే సంక్రాంతి టైం నుంచి ఇది స్టార్ట్ అవుతుంద‌ని తెలుస్తోంది.
ఎట్టి పరిస్థితుల్లోనూ ఈ ట్రైనింగ్ షెడ్యూల్ మార‌కూడ‌ద‌ని రాజమౌళి ఇప్ప‌టికే మ‌హేష్‌కు కండీష‌న్ కూడా పెట్టాడ‌ట. అందుకే మహేష్-త్రివిక్రమ్ సినిమాకు నవంబర్ నాటికి పూర్తి చేయాలని ఉరుకులు ప‌రుగులు పెడుతున్నార‌ట. అందుకే మహేష్ కూడా త్రివిక్రమ్ సినిమా కోసం ఏ మాత్రం గ్యాప్ లేకుండా షూటింగ్ చేస్తున్నాడు.
ఇక రాజమౌళి సినిమాకు ముందే ట్రైనింగ్‌లో పాల్గొంటే హీరో ఆ పాత్ర‌లో ఒదిగిపోతాడ‌న్న‌దే మ‌నోడి కాన్సెఫ్ట్? త్రిబుల్ ఆర్ సినిమా కోసం ఎన్టీఆర్, రామ్‌చ‌ర‌ణ్ ఇద్ద‌రూ కూడా ముందుగానే ట్రైనింగ్ తీసుకున్న సంగ‌తి తెలిసిందే. ఏదేమైనా రాజమౌళి అప్పుడే మ‌హేష్‌కు టార్చ‌ర్ స్టార్ట్ చేసిన‌ట్టే క‌న‌ప‌డుతోంది.
