కన్నడ బ్యూటీ శ్రీనిధి శెట్టికి రెండు భారీ హిట్స్ పడిన తర్వాత కూడా ఆశించిన క్రేజ్ రాలేదు. దీనికి కారణం వచ్చిన క్రేజ్ అంతా దర్శకుడు ప్రశాంత్ నీల్‌కి ఆ తర్వాత హీరో యష్‌కి వెళ్ళిపోయింది. కేజీయ‌ఫ్ సీరిస్ సినిమాలు నేష‌న‌ల్ లెవ‌ల్లో ఎంత పాపుల‌ర్ అయ్యాయో చెప్ప‌క్క‌ర్లేదు. అసలు అలాంటి సినిమాల్లో న‌టించిన హీరోయిన్ ఆ తర్వాత ఓ వెలుగు వెలిగిపోవాలి. సాధారణంగా ఓ పాన్ ఇండియా సినిమా సిరీస్ తర్వాత హీరోయిన్‌కి వచ్చి పడే ప్రాజెక్ట్స్ అన్నీ భారీగానే ఉంటాయి. కానీ, శ్రీనిధి శెట్టి విషయంలో అది రివర్స్ అయింది.
ప్రేక్షకులందరూ కేజీఎఫ్ సిరీస్ తర్వాత ఈ బక్కపలచని బ్యూటీకి ఊపిరి తీసుకునే సమయం కూడా లేనంతగా ఆఫర్స్ వెల్లువెత్తుతాయని భావించారు. బహుషా అమ్మడు కూడా అదే ఊహించి ఉంటుంది. కానీ, ఎందుకనో మేకర్స్ దృష్ఠి అంతగా శ్రీనిధి మీదకి మళ్ళలేదు. పాన్ ఇండియన్ స్టార్స్‌గా మెగా పవర్ స్టార్ రాం చరణ్, ఎన్.టి.ఆర్, అల్లు అర్జున్, ప్రభాస్ ఉన్నారు.
వీరిలో ఎవరి సరసన అవకాశం దక్కినా అమ్మడి రేంజ్ ఇంకోలా ఉండేది. అయితే, శ్రీనిధి శెట్టికి ఇలా అవకాశాలు కరువవడానికి తన బిహేవియరే అని చెప్పుకుంటున్నారు. కేజీఎఫ్ చాప్టర్ 1 సక్సెస్ తర్వాత భారీగా రెమ్యునరేషన్ డిమాండ్ చేసినట్టు ప్రచారం జరిగింది. ఒక్క‌సారిగా తాడిచెట్టు ఎక్కేసి రెమ్యునరేషన్ విషయంలో కింద‌కు దిగ‌న‌ని చెప్ప‌డంతో ఆమెను ఎవ్వ‌రూ ప‌ట్టించుకోలేదు. ఈ అమ్మడికి అవకాశాలు రాకపోవడాన్ని చూస్తే అదే అనిపిస్తుంది.
అలాగే ఈ బ్యూటీ గ్లామర్ షో ఇవ్వలేదు. ఇదీ ఒక కారణం అనుకుంటున్నారు. మామూలుగా బికినీ షోకి సంబంధించిన పిక్స్ కుప్పలు కుప్పలు సోషల్ మీడియాలో ఉన్నాయి. కానీ, ఆ గ్లామర్ ట్రీట్ సిల్వర్ స్క్రీన్ మీద చూపించలేదు. మంచి ఫిజిక్ కాబట్టి శ్రీనిధి శెట్టి బికినీ షో గనక చేయించే దర్శకుడుంటే అమ్మడికి ఏకంగా బాలీవుడ్ సినిమా ఆఫర్సే వెతుక్కుంటూ వస్తాయి. ఇక అలాంటి అదృష్టం మ‌న‌కు కూడా ఉండాలంటే పెట్టి పుట్టాల్సిందే. అక్కడ గ్రాండ్ మస్తీ లాంటీ సినిమాలలో అన్నీ చూపించే అవకాశం దక్కుతుంది. మరి అలాంటి అవకాశం ఎప్పుడొస్తుందో చూడాలి.
