బాలీవుడ్ ఊర్వశి పాట వచ్చేసింది..!
ప్రేమికుడు సినిమాలో ఊర్వశి ఊర్వశి టేకిట్ ఈజీ ఊర్వశీ సాంగ్ గుర్తుంది కదా.. అప్పటి యూత్ నే కాదు పాట వస్తే ఇప్పటి యూత్ కూడా దానికి కనెక్ట్ అయిపోతారు. ఆ సాంగ్ బాలీవుడ్ రీమిక్స్ ఇన్నాళ్లకు జరిగింది. దానిలో భాగంగా యోయో హని సింగ్ ఊర్వశి సాంగ్ రీమిక్స్ చేయడం జరిగింది.
ఈ వీడియో ఆల్బం కోసం క్రేజీ స్టార్స్ షాహిద్ కపూర్, కియరా అద్వాని జోడి కట్టడం జరిగింది. కాన్సెప్ట్ ఓరియెంటెడ్ గా వచ్చిన ఈ వీడియో సాంగ్ ఎంతో స్టైలిష్ గా ఉంది. ఊర్వశి ఊర్వశి టేకిట్ ఈజీ ఊర్వశి అన్న పదం తప్ప మిగతా సాంగ్ అంతా మార్చేశారు. ఈ జంట అర్జున్ రెడ్డి రీమేక్ లో నటిస్తున్నారు. టీ సీరీస్ బ్యానర్ లో భూషణ్ కుమార్ ఈ పాటని నిర్మించడం జరిగింది.
మాత్రుక దర్శకుడు సందీప్ వంగ ఈ సినిమాను డైరెక్ట్ చేస్తున్నారు. తెలుగులో సూపర్ హిట్ అయిన అర్జున్ రెడ్డి హింది వర్షన్ ఎలా ఉండబోతుందో చూడాలి.
