గత కొన్ని సంవత్సరాలుగా సోషల్ మీడియా లో యంగ్ టైగర్ ఎన్టీఆర్ హవా మాములుగా లేదు. టెంపర్ సినిమా నుండి ఎన్టీఆర్ విజయాల బాట పట్టిన విషయం తెలిసిందే.. తన క్రేజ్ కూడా రోజు రోజు కి పెరుగుతూనే ఉంది. ఆ క్రేజ్ మూలంగానే స్టార్ మా టీవీ వాళ్ళు భారీ పారితోషికం ఇచ్చి మరీ బిగ్ బాస్ తెలుగు వెర్షన్ కి యాంకర్ గా తీసుకున్నారు.
ఇక అసలు విషయానికొస్తే ట్విట్టర్ లో ఎప్పుడూ యాక్టీవ్ గా ఉండే తారక్ ఫాలోయర్స్ సంఖ్య ఈ రోజు తో 1 మిలియన్ కి చేరుకుంది. నిన్న రంజాన్ సందర్భంగా జై లవకుశ రిలీజ్ డేట్ ని ప్రకటించారు.. అదేవిధంగా బిగ్ బాస్ తెలుగు టీజర్ ని కూడా రిలీజ్ చేశారు. ఈ రోజు ఎన్టీఆర్ ఫాలోయర్స్ సంఖ్య 1 మిలియన్ దాటింది. ఇలా వరుస రోజుల్లో ఎన్టీఆర్ ని ట్విట్టర్ లో ట్రెండ్ చేస్తూ అభిమానులు పండగ చేసుకుంటున్నారు. ఏది ఏమైనా వరుసగా అవార్డులు.. వరుస ప్రకటనలతో ఈ సంవత్సరం ఎన్టీఆర్ క్రేజ్ మరింతగా పెరిగిందనటంలో ఏమాత్రం సందేహం లేదు.
