ప్ర‌స్తుతం టాలీవుడ్‌లో, సోష‌ల్ మీడియాలో ఇదే పెద్ద చ‌ర్చ‌గా మారింది. ముగ్గురు సీనియ‌ర్ స్టార్ హీరోల బాల‌య్య, చిరంజీవి, ప‌వ‌న్ క‌ళ్యాణ్ న‌టిస్తోన్న మూడు సినిమాల టీజ‌ర్లు రిలీజ్ అయ్యాయి. బాల‌య్య భ‌గ‌వంత్ కేస‌రి, చిరంజీవి భోళాశంకర్, ప‌వ‌న్ క‌ల్యాణ్ – సాయిధ‌ర‌మ్ తేజ్ బ్రో సినిమాలు త్వ‌ర‌లోనే రిలీజ్ కు రెడీ అవుతున్నాయి. ఈ మూడు సినిమాల టీజ‌ర్లు అయితే బ‌య‌ట‌కు వ‌చ్చేశాయి.
ఈ మూడు సినిమాల్లో మెగా హీరోలు చిరు, ప‌వ‌న్ న‌టిస్తోన్న రెండు సినిమాలు కూడా రీమేక్ సినిమాలే. బాల‌య్య సినిమా మాత్ర‌మే డైరెక్టుగా వ‌స్తోంది. ఈ మూడు సినిమాల టీజ‌ర్ల‌లో బాల‌య్య సినిమా టీజర్ ఆద్యంతం ప‌వ‌ర్ ఫుల్‌గా ఉంది. బాల‌య్య చెప్పిన డైలాగుల‌తో పాటు ద‌ర్శ‌కుడు అనిల్ రావిపూడి చాలా ప‌వ‌ర్ ఫుల్‌గా బాల‌య్య‌ను టీజర్లో చూపించిన తీరు.. బాల‌య్య ఏజ్‌కు త‌గిన పాత్ర.. ఆ స్టైల్ అంతా అదిరిపోయింది.
దీనికి తోడు థ‌మ‌న్ ఇచ్చిన నేప‌థ్య సంగీతం కూడా చాలా బ్యూటిఫుల్‌గా ఉంది. అసలు ఈ టీజ‌ర్‌కు ఎవ్వ‌రూ వంక పెట్ట‌డం లేదు. ఇక సెకండ్ ప్లేస్‌లో ప‌వ‌న్ – సాయిధ‌ర‌మ్ బ్రో సినిమా టీజర్ ఉంది. బ్రో సినిమాలో ప‌వ‌న్ చేసిన కామెడీ, ఆ డైలాగులు బ్యాక్‌గ్రౌండ్ మ్యూజిక్ అన్నీ సెట్ అయ్యాయి. అయితే బాల‌య్య టీజర్ త‌ర్వాత ప్లేసులో నే బ్రో టీజర్ ఉంద‌ని చెప్పాలి.
ఇక ఈ లిస్టులో మూడో ప్లేసులో అట్ట‌డుగున ఉంది చిరు భోళాశంకర్ టీజర్. టీజర్లో డైలాగులు, చిరు స్టైల్ ఏ మాత్రం కొత్త‌గా లేద‌న్న విమ‌ర్శ‌లు వ‌స్తున్నాయి. అసలు మెగా వీరాభిమానుల‌కే ఈ టీజర్ న‌చ్చ‌డం లేదు. చిరు స్టైల్, క‌థ, సీన్లు అన్నీ కూడా ఎప్పుడో బూజుప‌ట్టిన‌ట్టుగా ఉన్నాయంటున్నారు. ఏదేమైనా ఈ మూడు సినిమాల టీజ‌ర్ల‌లో బాల‌య్య సినిమా టీజర్ మాత్రం చాలా హైలెట్‌గా నిలిచింద‌ని.. ఫస్ట్ మార్కులు అన్నీ దానికే ప‌డ్డాయ‌ని చెప్పాలి.
