పవర్ స్టార్ పవన్ కళ్యాణ్ త్రివిక్రం కాంబినేషన్ లో వస్తున్న సినిమా షూటింగ్ దాదాపు పూర్తి కావొచ్చింది. ఈ సినిమా ఫస్ట్ లుక్ పోస్టర్ కోసం ఫ్యాన్స్ ఎన్నాళ్ల నుండో ఈగర్ గా వెయిట్ చేస్తున్నారు. జల్సా, అత్తారింటికి దారేది సినిమాల తర్వాత పవన్ త్రివిక్రం కలిసి చేస్తున్న ఈ సినిమాపై ప్రేక్షకుల్లో అంచనాలు తారాస్థాయిలో ఉన్నాయి. ఇక ఈ సినిమా ఫస్ట్ లుక్ మాత్రం సింప్లీ సూపర్బ్ అని చెప్పొచ్చు.
హారిక అండ్ హాసిని క్రియేషన్స్ పతాకంలో కె.రాధాకృష్ణ నిర్మిస్తున్న ఈ సినిమాలో మలయాళ ముద్దుగుమ్మలు కీర్తి సురేష్, అను ఇమ్మాన్యుయెల్ హీరోయిన్స్ గా నటిస్తున్నారు. అనిరుధ్ మ్యూజిక్ అందిస్తున్న ఈ సినిమా 2018 సంక్రాంతికి వస్తుందని తెలుస్తుంది. అంచనాలను పెంచేలా వచ్చిన ఈ ఫస్ట్ లుక్ ఫ్యాన్స్ లో ఉత్సాహాన్ని నింపింది. అంతేకాదు ఈ ఫస్ట్ లుక్ చూస్తే బొమ్మ హిట్ గ్యారెంటీ అనేస్తున్నారు.
ఇక ఈ సినిమా టైటిల్ గా రకరకాల పేర్లు వినపడుతున్నా ఫైనల్ గా రాజు వచ్చినాడే అన్నది పెట్టేస్తున్నారని అంటున్నారు. ఫస్ట్ లుక్ పోస్టర్ అయితే వచ్చింది కాని టైటిల్ పై ఇంకా సస్పెన్స్ వీడలేదు. మరి ఆ క్లారిటీ ఎప్పుడు వస్తుందో చూడాలి.
