తెలుగు సినిమా స్థాయి పెరుగుతోంది. ఒకప్పుడు తెలుగు ప్రాంతానికే పరిమితమైన తెలుగు సినిమా ఇప్పుడు పరిధులు తెంచుకుని ప్రపంచం నలుమూలలకి తెలుగువారి సత్తాని పరిచయం చేస్తోంది. ఈ క్రమంలోనే తెలుగు సినిమాల ప్రమోషన్స్ కూడా అదేస్థాయిలో కొత్త పుంతలు తొక్కుతున్న ప్రస్తుత నేపథ్యంలో సూపర్ స్టార్ మహేష్ బాబు, రకుల్ ప్రీత్ సింగ్ జంటగా తెరకెక్కిన స్పైడర్ మూవీని నిర్మిస్తున్న నిర్మాతలు సైతం మరో కొత్త రకమైన ప్రమోషన్స్‌కి తెరతీయబోతున్నారు. ఏ భారతీయ చిత్రానికి సంబంధించిన మూవీ మేకర్స్ చేయని విధంగా హాలీవుడ్‌లో తమ సినిమా వీఆర్ టీజర్‌ ని ప్రదర్శించేందుకు
ఏర్పాట్లు చేసుకుంటున్నారు స్పైడర్ నిర్మాతలు. ఫిలింనగర్ లేటెస్ట్ అప్‌డేట్స్ ప్రకారం లాస్ ఏంజెల్స్‌లోని హాలీవుడ్ వాక్ ఆఫ్ ఫేమ్ వేదికగా స్పైడర్ వీఆర్ టీజర్‌ని షోకేస్ చేయనున్నారని తెలుస్తోంది.సెప్టెంబర్
27న తెలుగు, తమిళం, మళయాళం, అరబిక్ భాషల్లో ఈ సినిమా విడుదల కానుంది. టాప్ డైరెక్టర్ ఏఆర్ మురుగదాస్ డైరెక్ట్ చేస్తున్న ఈ సినిమాను ఠాగూర్ మధు, ఎన్వీ ప్రసాద్ సంయుక్తంగా నిర్మిస్తున్నారు.
ప్రస్తుతం ఒక చివరి పాటని తెరకెక్కించడం కోసం స్పైడర్ యూనిట్ రోమేనియాలో వున్నట్టు సమాచారం.
