కొన్నిరోజులుగా టాలీవుడ్ డ్రగ్స్ గురించి తప్ప మరో టాపిక్ మాట్లాడుకోవడం లేదు. ఇండస్ట్రీకు చెందిన సినీప్రముఖులకు డ్రగ్స్‌తో సంబంధం ఉందని ఎక్సైజ్ శాఖ వెల్లడించడంతో ఇదొక హాట్ టాపిక్ అయిపోయింది. ఇప్పటివరకు పూరి, సుబ్బరాజు, తరుణ్ వంటి వారిని గంటల తరబడి విచారించారు. ఈ వివాదంలో ఆరోపణలు ఎదుర్కొంటున్న రవితేజ కూడా త్వరలోనే సిట్ అధికారుల ముందు విచారణకు హాజరు కానున్నారు.
అయితే డ్రగ్స్ డీలర్ జీషన్ అలీని పోలీసులు కస్టడీలోకి తీసుకోవడంతో రవితేజకు సమస్యలు తప్పవనే మాటలు వినిపిస్తున్నాయి. రవితేజకు డ్రగ్స్ సప్లయి చేసిన వ్యక్తి జీషన్ అని తెలుస్తోంది. సౌత్ ఆఫ్రికాకు చెందిన ప్రత్యేకమైన డ్రగ్స్ జీషన్ నుండి మాస్ మాహారాజాకు వెళ్ళేవని, అవి రవితేజ నుండి మరికొంత మంది చేతులు మారేవని సమాచారం. జీషన్ నుండి స్వాధీనం చేసుకున్న మొబైల్ ఫోన్లలో ఉన్న వాట్సాప్ చాట్‌ను బట్టి రవితేజ పేరు బయటకు వచ్చినట్లు తెలుస్తోంది. వీరిద్దరి మధ్య జరిగినసంభాషణల ఆధారణంగా రవితేజను విచారించాలని అధికారులు నిర్ణయించుకున్నారు.
అయితే ఇప్పటివరకు రవితేజపై ఉన్నవి అభియోగాలు మాత్రమే.. కానీ ప్రముఖ టీవీ చానెల్ మాత్రం ఇవి నిజాలుగానే ప్రచురిస్తోంది. రవితేజ తల్లి మాత్రం తన కొడుకు అలాంటివాడు కాదని మీడియా ముందుకు వచ్చి వివరణ ఇచ్చే ప్రయత్నం చేసిన సంగతి తెలిసిందే. ఈ విషయంలో నిజానిజాలేంటో.. కొద్దిరోజుల్లో తెలిసే అవకాశం ఉంది. అప్పటి వరకూ ఈ అబ్బాయి చాలా మంచోడనే అనుకుందాం.
