మెగా డాటర్ నిహారిక కొణిదల టాలీవుడ్ లో పరిచయం అక్కర్లేని పేరు. బుల్లితెరపై యాంకర్ గా కెరీర్ మొదలుపెట్టి ఇండస్ట్రీలో తనకంటూ ప్రత్యేక గుర్తింపు తెచ్చుకుంది. నిహారిక ఇటీవల వరుణ్ తేజ్ – లావణ్య త్రిపాఠి పెళ్లిలో సందడి చేసింది. తన అన్న పెళ్లిలో డ్యాన్స్ వేస్తూ అందర్నీ ఎట్రాక్ట్ చేసింది.. ఇటలీలో జరిగిన గ్రాండ్ డెస్టినేషన్ వెడ్డింగ్ కు మెగా ఫ్యామిలీ మొత్తం హాజరైంది. ఈ పెళ్లిలో నిహారిక మరో పెద్ద బాధ్యత కూడా తీసుకుంది.. పెళ్లి ఏర్పాట్లు మొత్తం తన క‌నుస‌న్న‌ల్లో జరిగేలా చేసింది.
పెళ్లి తంతు ముగిశాక నిహారిక ఇప్పుడు 15 మంది కొత్త నటీనటులతో ఓ సినిమాను తెర‌కెక్కిస్తున్నట్లు ఇటీవల ప్రకటించింది. ఈ సినిమా షూటింగ్ ప్రారంభోత్సవానికి కొత్త దంపతులు వరుణ్ – లావణ్య కూడా హాజరయ్యారు. ఇప్పటికే నిహారిక బుల్లితెరపై పలు ఓటీటీ షోలు నిర్మించింది. ఇప్పుడు ఏకంగా వెండితెరపై సినిమా నిర్మిస్తూ నిర్మాతగా మారుతుంది. తాజాగా నిహారిక తన ఇన్‌స్టాలో ఓ వీడియో రిలీజ్ చేసింది.
ఈ వీడియోలో ఆమె ఓ లవ్ లెటర్ రాసుకు వచ్చింది. తనకు అత్యంత ఇష్టమైన వారికి అంతేకాకుండా తన జీవితంలో స్ఫూర్తిగా నిలిచిన వారందరికీ ఓ సర్ప్రైజ్ ఇచ్చింది. ఆ ఒక్క వీడియోలోనే తాను ప్రేమిస్తున్న వారు అందరూ వచ్చేలా పోస్ట్ చేసింది. వీడియోతో పాటు లవ్ లెటర్ టు ఆల్ మై ఏంజెల్స్ అని క్యాప్షన్ కూడా ఇచ్చింది.
ఈ వీడియోలో లావణ్య త్రిపాఠి – శ్రీజ కొణిదెల – జ్యోతిరాజ్ సందీప్ – నిహారిక తల్లి కూడా ఉన్నారు. నా జీవితంలోకి వచ్చిన మీ అందరికీ కృతజ్ఞతలు అని తెలిపింది. మీతో గడిపిన క్షణాలు నా జీవితంలో ఎప్పటికీ మర్చిపోలేనని ప్రస్తావించింది. ఈ వీడియో చూసిన ఫ్యాన్స్ సైతం నిహారిక అభిమానానికి ఫిదా అవుతూ కామెంట్ల వర్షం కురిపిస్తున్నారు.
