నందమూరి బాలకృష్ణ నటించిన భగవంత్ కేసరి సినిమా ఈనెల 19న ప్రేక్షకుల ముందుకు వచ్చి పాజిటివ్ టాక్ తో దూసుకుపోతుంది. సినిమాకు రోజురోజుకు అదిరిపోయే రెస్పాన్స్ వస్తోంది. నాలుగు రోజుల్లో రు. 106 కోట్ల గ్రాస్ వసూళ్లు కొల్లగొట్టింది. ఇక ఈ సినిమాలో ఫుల్ లెన్త్ పాటను తీసేసిన సంగతి తెలిసిందే. కథ చెప్పేటప్పుడు ఆ ఫ్లోకు అడ్డు వస్తుందని ఆ పాటను కట్ చేశాడు దర్శకుడు అనిల్ రావిపూడి.
ఇప్పుడు ఆ సాంగ్ తిరిగి యాడ్ చేస్తున్నారు. ఇది చాలా స్పెషల్ సాంగ్ అంటున్నారు. నిజానికి ఈ పాట నిడివి 4.30 నిమిషాల పాటు ఉంటుంది. సాంగ్ మొత్తం షూట్ చేసి కథ‌కు అడ్డు వస్తుందని తీసేశారు. ఈ పాట షూట్ చేసేందుకు రెండున్నర నుంచి మూడు కోట్ల వరకు ఖర్చయింది. ఇందులో బాలకృష్ణ, కాజల్, శ్రీలీల డ్యాన్సులు చేశారు. అంతకంటే స్పెషల్ ఏంటంటే పాట చివరలో 90 సెకన్ల పాటు దంచవే మేనత్త కూతురా సాంగ్ ను రీమిక్స్ చేశారు.
ఈ సాంగ్ ఈతరం జనరేషన్ కు తెలియకపోవచ్చు.. కానీ 1985 – 90 టైములో బాలయ్య బ్లాక్బస్టర్ మూవీ మంగమ్మ గారి మనవడు సినిమాలో సుహాసిని – బాలయ్య మధ్య వచ్చే సాంగ్ అప్పట్లో ఈ సినిమా తెలుగు ప్రేక్షకులను ఒక ఊపు ఊపేసింది. ఇప్పుడు ఎడిటింగ్లో తీసేసిన నాలుగున్నర నిమిషాల సాంగ్‌ను సినిమాకు జత చేస్తున్నారు.
అయితే ఇక్కడే చిన్న ట్విస్ట్ కూడా ఉంది. మొత్తం పాటను సినిమాలో యాడ్ చేయడం లేదు.. ఆ దంచవే మేనత్త కూతురా బిట్‌ను మాత్రమే యాడ్ చేస్తున్నారు. అది కూడా సినిమా మధ్యలో రావటం లేదు.. రోలింగ్ టైటిల్స్ లో పెడుతున్నారు. దాదాపు 50 మంది డాన్సర్లతో భారీ సెట్ వేసి ఈ సాంగ్ షూట్ చేశారు. ఇప్పుడు కూడా కథలో భాగం చేయడం లేదు. చివర్లో వచ్చే రోలింగ్ టైటిల్స్ లో పెడుతున్నారు.
