టాలీవుడ్ స్టార్ హీరోలలో ఒకరైన యంగ్ టైగర్ ఎన్టీఆర్ హీరోగా జాన్వీ కపూర్ హీరోయిన్గా స్టార్ దర్శకుడు కొరటాల శివ దర్శకత్వంలో తెరకెక్కుతున్న లేటెస్ట్ పాన్ ఇండియా యాక్షన్ ఎంటర్టైనర్ దేవర. యువ‌సుధా ఆర్ట్స్ – ఎన్టీఆర్ ఆర్ట్స్ సంస్థలపై మిక్కిలినేని సుధాకర్, నందమూరి కళ్యాణ్ రామ్ అత్యంత ప్రతిష్టాత్మకంగా రూ.300 కోట్ల భారీ బడ్జెట్‌తో ఈ సినిమాను తెరకెక్కిస్తున్నారు. ఈ సినిమా రెండు పార్ట్‌లుగా రిలీజ్ అవుతున్నట్టు దర్శకుడు కొరటాల ఇప్పటికే ప్రకటించారు.
మొదటి భాగం షూటింగ్ శ‌ర‌వేగంగా జరుగుతోంది. ప్రముఖ త‌మిళ మ్యూజిక్ డైరెక్టర్ అనిరుధ్‌ రవిచంద్రన్ ఈ సినిమాకు సంగీతం అందిస్తున్నారు. ఈ సినిమాలో ఎన్టీఆర్ పవర్ఫుల్ రోల్ చేస్తుండగా బాలీవుడ్ స్టార్ యాక్టర్ సైఫ్అలీ ఖాన్ విలన్‌గా కనిపిస్తున్నారు. అసలు విషయానికొస్తే ఈ సినిమాలో తంగం పాత్రలో కనిపించనున్న హీరోయిన్ జాన్వీ కపూర్ ఫస్ట్ లుక్‌ని కొద్దిసేపటి క్రితం మేకర్స్ రిలీజ్ చేశారు.
జాన్వీకపూర్ తంగంగా ఓ మ‌త్స్య‌కార కుటుంబంలో పెరిగిన అమ్మాయిగా క‌నిపించ‌నుంది. అయితే పార్ట్ 1లో ఆమె ఎన్టీఆర్‌ను ప‌గ‌బ‌ట్టి చంపాల‌నుకునే నెగ‌టివ్ పాత్రలో క‌నిపిస్తుంద‌ని తెలుస్తోంది. ఆ త‌ర్వాత అదే పాత్ర రియ‌లైజ్ అయ్యి పార్ట్ 2లో హీరోయిన్గా మారి ఎన్టీఆర్ ల‌క్ష్యానికి స‌హ‌క‌రిస్తుంద‌ని తెలుస్తోంది. ఇక జాన్వీ తాజా లుక్‌లో గ్రీన్ అండ్ బ్లూ కాంబినేషన్ లంగా వోణీ లుక్ లో జాన్వీకపూర్ చాలా నేచురల్‌గా అదరగొట్టేసింది.
ప్రస్తుతం ఈ ఫోటో సోషల్ మీడియాలో పిచ్చిపిచ్చిగా వైరల్ అవుతుంది. ఈ లుక్ లో జాన్వీని చూస్తుంటే ఒకప్పటి శ్రీదేవిని గుర్తుకు తెస్తుందని.. శ్రీదేవి అభిమానులు కామెంట్ చేస్తున్నారు. ఇక దేవర ఫస్ట్ పార్ట్ 2024 సమ్మర్ కానుకగా ఏప్రిల్ 5న పాన్ ఇండియా వైడ్‌గా పలు భాషలలో ప్రేక్షకుల ముందుకు రానుంది.
