దర్శకధీరుడు రాజమౌళి తెరకెక్కిస్తున్న బిగ్గెస్ట్ మల్టీస్టారర్ చిత్రం RRR కోసం ప్రేక్షకులు ఆతృతగా ఎదురుచూస్తున్నారు. తారక్, చరణ్ పాత్రలపై ఇండస్ట్రీలో పలు పుకార్లు వినిపిస్తుండగా.. వాటికి రాజమౌళి చెక్ పెట్టాడు. ఇద్దరు స్వాతంత్ర్య సమరయోధుల బ్యాక్‌డ్రాప్‌తో తెరకెక్కుతున్న ఈ సినిమాలో తారక్ కొమురం భీం పాత్ర చేస్తుండగా.. చరణ్ అల్లూరి సీతారామరాజు పాత్ర చేస్తున్నాడు. అయితే ఈ సినిమా విషయంలో జక్కన్న ఓ గట్టి నిర్ణయం తీసుకున్నాడట.
RRR సినిమాలో జక్కన్న పాటలకు పెద్ద ఇంపార్టెన్స్‌ ఇవ్వడం లేదని తెలుస్తోంది. రాజమౌళికి కలిసొచ్చే మ్యూజిక్ డైరెక్టర్ ఎంఎం కీరవాణి ఈ సినిమాకు కూడా సంగీతం అందిస్తున్నాడు. అయితే ఈ సినిమాలో పాటలకు పెద్ద స్కోప్ లేకపోవడంతో కేవలం 3 పాటలతోనే కానిచ్చేస్తున్నాడు. దీంతో రాజమౌళి సినిమాలలో లాగా ఈ సినిమాలో పాటలు ఉండకపోవచ్చని చిత్ర యూనిట్ తెలిపింది.
తమ ఫెవరెట్ హీరోలు కలిసి నటిస్తుండటంతో ఈ సినిమాలో పాటల కోసం ఆసక్తిగా చూస్తున్న ఫ్యాన్స్‌కు ఇది కాస్త నిరాశ పరిచే వార్త అని చెప్పాలి. మరి ఆ మూడు పాటలతో రాజమౌళి ఎలాంటి రికార్డు సృష్టించేందుకు సిద్ధమవుతున్నాడా అని అభిమానులు ఆశగా చూస్తున్నారు.
