పవన్ క‌ళ్యాన్ తిరిగి సినిమాల్లో న‌టించ‌డం స్టార్ట్ చేశాక వ‌రుస పెట్టి సినిమాలు ఒప్పుకుంటున్నాడు. ప్ర‌స్తుతం వ‌కీల్‌సాబ్ సినిమాతో పాటు ఆ వెంట‌నే క్రిష్ ద‌ర్వ‌క‌త్వంలో జాన‌ప‌ద చిత్రం ఉండ‌నుంది. లాక్‌డౌన్ నేపథ్యంలో ఈ రెండు సినిమాల షూటింగ్‌లు ఆగిపోయాయి. ముందు వ‌కీల్‌సాబ్‌ను కంప్లీట్ చేసి ఆ త‌ర్వాత క్రిష్ ప్రాజెక్టును ప‌ట్టాలెక్కించాల‌ని అనుకున్నాడు. అయితే ఇప్ప‌ట్లో పవన్ త‌న‌కు అందుబాటులోకి వ‌స్తాడ‌న్న న‌మ్మ‌కం లేని క్రిష్ పవన్ సినిమాను ప‌క్క‌న పెట్టేశాడ‌ని అంటున్నారు.
పవన్ దీక్ష చేస్తోన్న సంగ‌తి తెలిసిందే.. ఈ దీక్ష కంప్లీట్ అయ్యాక.. క‌రోనా త‌గ్గాలి.. అప్పుడు వ‌కీల్‌సాబ్ కంప్లీట్ చేయాలి. ఇవ‌న్నీ అయ్యేలోగా తాను మ‌రో సినిమా ఫినిష్ చేసేయ‌వ‌చ్చ‌ని.. ఆ త‌ర్వాత వీలుంటే పవన్ సినిమా చేసుకోవ‌చ్చ‌ని క్రిష్ డిసైడ్ అయ్యాడ‌ట. ఈ క్ర‌మంలోనే క్రిష్ ఓ మీడియం రేంజ్ బ‌డ్జెట్ సినిమా ప్రారంభించేశాడు. సాయి ధరమ్ తేజ్ తమ్ముడు వైష్ణవ్ తేజ్, రకుల్ ప్రీత్ సింగ్ జంటగా రూపొందే సినిమాను క్రిష్ మొదలు పెట్టేశాడు.
ఈ సినిమా కూడా క్రిష్ మిగిలిన సినిమాల మాదిరిగా ఓ డిఫ‌రెంట్ సినిమాగా ప‌ట్టాలెక్క‌నుంద‌ని అంటున్నారు. అటవీ నేపథ్యంలో సాగే ఈ సినిమా షూటింగ్ కూడా త్వ‌ర‌లోనే మొదలు పెట్టేయ‌నున్నారు. ఏదేమైనా ప‌వ‌న్‌తో సినిమా ఊపులో ఉన్న ఏ డైరెక్ట‌ర్ వేరే సినిమా చేయ‌రు. కానీ క్రిష్ మాత్రం ఆ సినిమా ఎప్పుడు స్టార్ట్ అవుతుందో గ్యారెంటీ లేకే.. ప్ర‌స్తుతానికి ఈ ప్రాజెక్టు వ‌దిలేసి.. మ‌రో ప్రాజెక్టును ప‌ట్టాలెక్కించేశాడు.
