నందమూరి బాలకృష్ణ హీరోగా తేజ డైరక్షన్ లో ఎన్.టి.ఆర్ బయోపిక్ తెరకెక్కుతున్న సంగతి తెలిసిందే. ఎన్.టి.ఆర్ సిని, రాజకీయ ప్రస్థానం ఎలా సాగిందని చెప్పేలా ఈ సినిమా ఉంటుందట. ఇక ఈ సినిమా మార్చి 29న సెట్స్ మీదకు వెళ్తుంది. ఈ సినిమాకు సంబందించిన కాన్సెప్ట్ పోస్టర్ ఒకటి రిలీజ్ చేశారు.
ఎన్.టి.ఆర్ కు సంబందించిన అన్ని విషయాలు ఈ పోస్టర్ లో ఉన్నాయి. సొంత ఊరు, ప్రచార రథం, తెలుగుదేశం జెండా, నటించిన పాత్రలు ఇలా అన్నిటితో అద్భుతమైన కాన్సెప్ట్ పోస్టర్ రెడీ చేశారు. నందమూరి అభిమానులకు ఈ పోస్టర్ బాగా నచ్చేస్తుందని చెప్పొచ్చు. ఇక ఎన్.టి.ఆర్ గా బలయ్య ఫస్ట్ కోసం ఈగర్ గా ఎదురుచూస్తున్నారు ఫ్యాన్స్.
ఈ సినిమా కోసం బాలకృష్ణ 60కి పైగా గెటప్పుల్లో కనిపిస్తాడని అంటున్నారు. బాలకృష్ణ ఒక నిర్మాతగా వ్యవహరిస్తున్న ఈ సినిమాను సాయి కొర్రపాటి, విష్ణు వర్ధన్ నిర్మిస్తున్నారు. మరి ఈ సినిమా ఎలాంటి సంచలనాలు సృష్టిస్తుందో చూడాలి.
