నందమూరి న‌ట‌సింహం బాల‌కృష్ణ – బోయపాటి శ్రీను కాంబినేషన్లో వచ్చిన అఖండ సినిమా సూప‌ర్ డూప‌ర్ హిట్ అయ్యింది. బాలయ్య – బోయపాటి కాంబినేషన్లో వచ్చిన హ్యాట్రిక్ హిట్ సినిమాగా అఖండ రికార్డుల‌కు ఎక్కింది. సింహా, లెజెండ్ త‌ర్వాత అఖండ హ్యాట్రిక్ కొట్టింది. అఖండ త‌ర్వాతే బాల‌య్య‌కు ప‌ట్టింద‌ల్లా బంగారం అయ్యింది. ఆ త‌ర్వాతే వీర‌సింహారెడ్డి, భ‌గ‌వంత్ కేస‌రి సినిమాలు కూడా సూప‌ర్ హిట్ కొట్టాయి.
ప్ర‌స్తుతం బాలయ్య బాబి ద‌ర్శ‌క‌త్వంలో త‌న 109వ సినిమాలో న‌టిస్తోన్న సంగ‌తి తెలిసిందే. ఈ సినిమా త‌ర్వాత అఖండ‌కు కంటిన్యూగా అఖండ 2 సెట్స్ మీద‌కు వెళ్ల‌నుంది. బోయపాటి అఖండ 2 మీద క‌స‌ర‌త్తులు మొద‌లు పెట్టేశాడు. క‌థ మీద వ‌ర్క్ న‌డుస్తోంది. అయితే అఖండ 2 ఎప్పుడు సెట్స్ మీద‌కు వెళుతుంది ? ఎప్పుడు రిలీజ్ అవుతుంది ? ఈ సినిమా కాస్ట్ & క్రూ ఎవ‌రు ? అన్న‌ది ఫ్యాన్స్‌లో స‌హ‌జంగానే ఆస‌క్తిగా మారింది.
ఈ యేడాది జూన్ నుంచి అఖండ 2 సెట్స్ మీద‌కు వెళుతుంద‌ని అంటున్నారు. అఖండ 2లో బాలీవుడ్ స్టార్ సంజ‌య్‌ద‌త్ కూడా ఓ కీల‌క పాత్ర‌లో క‌నిపించ‌బోతున్న‌ట్టు తెలుస్తోంది. సంజ‌య్‌ద‌త్ లాంటి సీనియ‌ర్ హీరో కూడా ఈ సినిమాలో న‌టిస్తే ఆ సినిమాకు నార్త్‌లో కూడా అదిరిపోయే బ‌జ్ ఉంటుంద‌న‌డంలో సందేహం లేదు. అఖండ సినిమాను డ‌బ్బింగ్ చేస్తే యూట్యూబ్‌, ఓటీటీ ప్లాట్‌ఫామ్‌లో నార్త్ జ‌నాల‌ను కూడా బాగా ఊపేసింది.
ఈ సినిమాలో యాక్ష‌న్ మాస్ ల‌వ‌ర్స్‌కు మాంచి కిక్ ఇచ్చింది. అందుకే ఇప్పుడు అఖండ 2ను పాన్ ఇండియా రేంజ్‌ల్ చేసేందుకే సంజ‌య్‌ద‌త్‌ను విల‌న్ రోల్లో న‌టింప‌జేస్తున్న‌ట్టు తెలుస్తోంది. ఈ క‌థ‌లో సోషియో ఫాంట‌సీ ఎలిమెంట్స్ తో పాటు మెయిన్ క‌థాంశం చాలా కొత్త‌గా ఉంటుంద‌ని తెలుస్తోంది. ఏదేమైనా బాలయ్య నుంచి మ‌రో వినూత్న సినిమా రాబోతోంద‌న్న‌ది అయితే క్లారిటీ వ‌చ్చేసింది. సినిమాలో యాక్ష‌న్ సీక్వెన్స్‌తో పాటు పొలిటిక‌ల్ పంచ్‌లు అదిరిపోతాయంటున్నారు.
