టాలీవుడ్ యువ‌నటుడు మంచి విష్ణు హీరోగా మహాభారతం సిరీస్ తెరకెక్కించిన ముఖేష్ కుమార్ సింగ్ దర్శకత్వంలో తెరకెక్కుతున్న భారీ పాన్ ఇండియా సినిమా భ‌క్త‌కన్నప్ప. ఇది మంచు విష్ణు డ్రీమ్ ప్రాజెక్ట్. 24 ప్రేమ్స్ ఫ్యాక్టరీ – ఏ వి ఏ ఎంటర్టైన్మెంట్ సంస్థలు సంయుక్తంగా అత్యంత భారీ బడ్జెట్ తో ఈ సినిమాను నిర్మిస్తున్నాయి. ఈ ప్రాజెక్టు గ్రాండ్ లాంచింగ్ ఇటీవల జరిగింది. ఈ సినిమా లాంచ్ ఈవెంట్లో కృతి సనన్‌ సోదరి నుపూర్ సనన్‌ కూడా పాల్గొన్నారు.
ఈ సినిమాలో నుపూర్ సనన్‌ హీరోయిన్గా ఎంపికైన సంగతి తెలిసిందే. మణిశర్మ – స్టీఫెన్ దేవదాసి సంగీతం అందిస్తున్న ఈ సినిమాకు పరిచరి గోపాలకృష్ణ – తోట ప్రసాద్ – సాయి మాధవ్ బుర్ర ముగ్గురు కలిసి సంయుక్తంగా కథను అందిస్తున్నారు. అసలు విషయంలోకి వెళితే హీరోయిన్ నుపూర్ మంచు విష్ణుకు షాక్ ఇచ్చింది. ఈ సినిమాలో హీరోయిన్గా ఎంపికైన ఆమె డేట్లు సర్దుబాటు కానీ కారణంగా ఈ సినిమా నుంచి తప్పుకున్నట్టు స్పష్టం చేసింది.
ఈ విషయాన్ని మంచి విష్ణు స్వయంగా తన ట్విట్టర్ ఖాతా ద్వారా తెలిపాడు. ఈ సినిమా నుంచి నుపూర్ తప్పుకుందని… ఆమె రాబోయే రోజుల్లో మంచి సక్సెస్ లు సొంతం చేసుకోవాలని ఆమె స్థానంలో మరో హీరోయిన్ త్వరలో తీసుకుంటామని చెప్పాడు. ఇక ఈ సినిమా షూటింగ్ బాగా ఆలస్యం అయ్యే అవకాశాలు ఉండడంతో నుపూర్ తప్పుకున్నట్టు తెలుస్తోంది.
