పవన్ -త్రివిక్రమ్ కాంబినేషన్ లో రాబోతున్న సినిమా అజ్ఞాతవాసి. ఈ సినిమా మీద అందరికి భారీ అంచనాలే ఏర్పడ్డాయి. ఈ సినిమా మీద రోజు రోజుకు ఎదో ఒక వార్త బయటకి లీక్ అవుతూనే ఉంది. తాజాగా ఈ అజ్ఞాతవాసి గురించి ఎవరూ ఊహించని వార్తలు బయటకి వచ్చాయి. ఈ మధ్య బాగా పాపులర్ అయిన కొత్త ట్రెండ్ మల్టీ స్టార్. గతంలో పెద్దగా ఈ ట్రెండ్ లేకపోయినా ఈ మధ్యకాలంలో మాత్రం బాగా పాపులర్ అయ్యింది. దీంతో అందరూ ఈ ట్రెండ్ ఫాలో అయిపోతున్నారు.
పవన్‌కల్యాణ్‌ కథానాయకుడిగా నటించిన చిత్రం ‘అజ్ఞాతవాసి’. త్రివిక్రమ్ శ్రీనివాస్‌ దర్శకుడు. ఈ సినిమాలో విక్టరీ వెంకటేష్‌ అతిథి పాత్రలో మెరవబోతున్నట్టు సమాచారం బయటకి పొక్కింది. గతం లోనే పవన్ – వెంకీ కలసి ‘గోపాల-గోపాల’ చిత్రంలో నటించారు. ఆ చిత్రం మంచి పేరు సంపాదించుకుంది. మళ్ళీ అదే కాంబినేషన్ రిపీట్ చేస్తూ పవన్ సినిమా ‘అజ్ఞాతవాసి’లో వెంకటేష్‌ ఓ అతిథి పాత్రలో నటించబోతున్నట్టు తెలుస్తోంది.
వెంకీ నటించిన ‘నువ్వునాకు నచ్చావ్‌’, ‘మల్లీశ్వరి’ చిత్రాలకు త్రివిక్రమ్ మాటలు రాశారు. త్వరలోనే వీరిద్దరూ కలిసి ఓ సినిమా కూడా చేయనున్నారు. మరి ‘అజ్ఞాతవాసి’లో వెంకటేష్‌ పాత్ర ఏంటి అనేది మాత్రం తెలియడంలేదు. ఇప్పటికే చిత్రీకరణ పూర్తి చేసుకున్న ‘అజ్ఞాతవాసి’ సంక్రాంతి కానుకగా జనవరి 10న రిలీజ్ అవ్వబోతోంది. ఈనెల 19న ఆడియో విడుదల కార్యక్రమం నిర్వహించనున్నారు.
