ప్రభాస్‌కు దెబ్బేసిన ముగ్గురు.. ఎవరో తెలిస్తే షాకే!

Saaho Music Directors Walk Out From Movie

బాహుబలి హీరో ప్రభాస్ నటిస్తున్న ది మోస్ట్ వెయిటెడ్ మూవీ ‘సాహో’ మెజారిటీ షూటింగ్ పార్ట్‌ను పూర్తి చేసుకుని చివరి దశకు చేరుకుంది. ఇక ఈ సినిమాను ఆగస్టు నెలలో రిలీజ్ చేసేందుకు చిత్ర యూనిట్ అప్పుడెప్పుడో రెడీ అయ్యారు. ఈ సినిమాకు ప్రతి అంశం పవర్‌ఫుల్‌గా ఉండాలని దర్శకుడు సుజీత్ భావిస్తున్నాడు. అందుకే ఈ సినిమాకు సంబంధించి ఎలాంటి న్యూస్‌ను కూడా జనాల్లోకి రానివ్వలేదు.

ఇటీవల ప్రభాస్ వరుసబెట్టి ఈ చిత్ర పోస్టర్లు రిలీజ్ చేస్తూ ఆడియెన్స్‌కు అదిరిపోయే ట్రీట్ ఇస్తూ వస్తున్నాడు. కాగా తాజాగా ఈ సినిమాకు సంబంధించి ఒక షాకింగ్ విషయాన్ని ఆ చిత్ర మ్యూజిక్ డైరెక్టర్స్ తెలిపారు. సాహో చిత్రానికి సంగీతం అందిస్తున్న మ్యూజిక్ త్రయం శంకర్-ఎహసాన్-లాయ్ ఈ చిత్రం నుండి వాకౌట్ చేస్తున్నట్లు ప్రకటించారు. అసలే ప్రెస్టీజీయస్ మూవీ.. రిలీజ్‌కు మరికొన్ని నెలలు మాత్రమే ఉండగా ఇలా మ్యూజిక్ డైరెక్టర్స్ మూవీ నుండి వాకౌట్ చేయడమేమిటని ఇండస్ట్రీ వర్గాల్లో చర్చ మొదలైంది.

ఏదేమైనా ఈ షాకింగ్ విషయం ప్రస్తుతం సినీ వర్గాల్లో తుఫాను క్రియేట్ చేస్తోంది. అసలే ఆలస్యమవుతున్న సాహో రిలీజ్ ఇప్పుడు వీరి దెబ్బకు మరింత ఆలస్యం కానుందని సినీ జనాలు చెవులు కొరుక్కుంటున్నారు. ఏదేమైనా ప్రభాస్‌కు ఆ ముగ్గురు కలిసి బాగా దెబ్బేశారని అంటున్నారు ఆయన ఫ్యాన్స్.

Leave a comment