పండ్లు తినడం ఆరోగ్యానికి ఎంతో మంచిదనే విషయం అందరికీ తెలిసిందే. వైద్యులు కూడా ప్ర‌తి రోజు పండ్లు తినాలని సూచిస్తుంటారు. పండ్ల ద్వారా ఎన్నో ర‌కాల అనారోగ్యాల‌కు చెక్ పెట్ట‌వ‌చ్చు. వైద్యులు కూడా ప్రతీరోజు పండ్లు తినాలని సూచిస్తుంటారు. అయితే ఈ పండ్ల ధ‌ర‌లు ఏకంగా ఆకాశాన్నంటుతున్నాయి. జ‌పాన్‌లో ఒక్క గుత్తి ఎర్ర ద్రాక్ష ఖరీదు 12 లక్షల యెన్లు.
12 లక్షల యెన్లు అంటే ఇండియ‌న్ క‌రెన్సీలో సుమారు రూ. 7.8 లక్షలు. ఈ రేటు చూసి మీ ఊపిరి ఆగినంత ప‌నైపోయిందా..! అత్యంత ఖరీదైన ఈ ద్రాక్ష పేరు ‘రూబీ రోమన్’. ఆకారంలో సాధారణ ద్రాక్షకన్నా కొంచెం పెద్ద‌గా ఉంటుంది. చాలా తీయ‌గా ఉండ‌డం దీని ప్ర‌త్యేక‌త. ప్ర‌స్తుతం జ‌పాన్‌లో ఈ ద్రాక్ష‌కు భారీ డిమాండ్ ఉంది. ఒక్కో ద్రాక్షపండు 20 గ్రాముల కన్నా అధిక బరువుతో ఉంటుంది.
అంటే వంద గ్రాముల‌కు స‌రాస‌రీన 5 పండ్లు తూగుతాయి. ఈ ప్రత్యేకమైన ద్రాక్షను జపాన్‌లోని ఇష్కావ్ ప్రాంతంలో పండిస్తున్నారు. ఇష్కావ్ సహకార సమితి ఈ ద్రాక్షను సాగుచేస్తోంది. కనాజావా మార్కెట్‌లో ఈ ద్రాక్ష గుత్తిని వేలం వేశారు. ఈ వేలంలో లోక‌ల్‌గా ఓ బడా కంపెనీ 12 లక్షల యెన్‌లకు సొంతం చేసుకుంది. కాగా ఇష్కావ్ సహకార సమితి రాబోయే సెప్టెంబరు నాటికి 26 వేల ద్రాక్ష గుత్తులను పండించేందుకు ప్రయత్నాలు చేస్తోంది.
