రీ ఎంట్రీ తర్వాత తన జోరు కొనసాగిస్తున్న మెగాస్టార్ ప్రస్తుతం సురేందర్ రెడ్డి డైరక్షన్ లో సైరా నరసింహారెడ్డి సినిమా చేస్తున్నాడు. ఈ సినిమా తర్వాత త్రివిక్రం డైరక్షన్ లో మెగాస్టార్ సినిమా ఉండబోతుందని లేటేస్ట్ టాక్. ఇక ఈ సినిమాలో పవర్ స్టార్ పవన్ కళ్యాణ్ కూడా నటిస్తాడట. మెగాస్టార్, పవర్ స్టార్ ఇద్దరు ఒకే స్క్రీన్ పై ఆహా ఇక ఆ సినిమా రేంజ్ ఎలా ఉంటుందో ఊహించవచ్చు.
త్రివిక్రం కాంబినేషన్ లో రాబోతున్న ఈ సినిమాలో మెగాస్టార్ మూవీ మొత్తం కనిపించినా పవన్ మాత్రం కేవలం 30 నిమిషాలు మాత్రమే ఉంటాడట. ఇప్పటికే ఈ సినిమాకు సంబందించిన కథ ఫైనల్ అయినట్టు తెలుస్తుంది. ప్రముఖ పారిశ్రామికవేత్త టి.సుబ్బిరామిరెడ్డి ఈ సినిమాను నిర్మిస్తారని తెలుస్తుంది. అప్పట్లో మెగాస్టార్, పవర్ స్టార్ కలిసి సినిమా చేస్తారంటూ ఎనౌన్స్ చేసిన ఆయన మళ్లీ ఆ ఊసెత్తలేదు.
కాని ఫిల్మ్ నగర్ లో మాత్రం ఆ సినిమా కథల చర్చ నడుస్తుందని తెలుస్తుంది. చిరంజీవి, పవన్ ఇద్దరు కలిసి సినిమా చేస్తే ఆ సినిమా సంచలనాలు సృష్టించడం ఖాయం. మరి మూవీ ఎప్పుడు మొదలు పెడతారో చూడాలి.
