గత ఏడాది కొరటాల శివ దర్శకత్వంలో మహేష్ బాబు నటించిన భరత్ అనే నేను సూపర్ హిట్ అయ్యింది. మహేష్ కెరీర్ లో రూ.200 కోట్ల క్లబ్ లో చేరిన మూవీకి కొత్త రికార్డు నమోదు చేసుకుంది. ఈ సినిమా తర్వాత వంశం పైడి పల్లి దర్శకత్వంలో మహేష్ బాబు,పూజా హెగ్డే ‘మహర్షి’సినిమాలో నటిస్తున్నారు. ఈ సినిమా షూటింగ్ చివరి దశకు చేరుకుంది. ఈ మద్య ఓ లిరికల్ సాంగ్ కూడా రిలీజ్ అయ్యింది.
ఇక ఉగాది కానుకగా ఈ సినిమాకు సంబంధించిన టీజర్ ఒకటి రిలీజ్ చేసేందుకు చిత్ర యూనిట్ సిద్దమవుతున్నారు. అయితే టీజర్ ఎలా వుంటుందా? అని ఫ్యాన్స్ ఉత్కంఠగా ఎదురుచూస్తున్నారు. సినిమా ఓవర్ సీస్ మార్కెట్ ఇంకాకాలేదు. అయితే ఈ టీజర్ కి సంబంధించిన అన్ని పనులు పూర్తవుతున్నాయని సమాచారం. ఇందులో యాక్షన్ సీన్ కోసం ఓ రౌడీని ఎత్తి కుదేసి, డైలాగ్ చెప్పే సీన్ ఒకటి వుంటుందని తెలుస్తోంది.
అంతే కాదు అలాగే భరత్ అనే నేను సినిమాలో మైకు ముందు మాట్లాడినట్లుగా, ఈ టీజర్ లో కూడా అలాంటి సీన్ ఒకటి వుంటుందని తెలుస్తోంది. టీజర్ అటు క్లాస్, ఇటు మాస్ టైపులో సమానంగా ఎఫెక్ట్ వచ్చేలా కట్ చేసినట్లు తెలుస్తోంది. వంశి పైడి పల్లి దర్శకత్వం వహిస్తున్న ఈ సినిమాని పివిపి, అశ్వనీదత్, దిల్ రాజు కలిసి నిర్మిస్తున్నారు.
