ప్రిన్స్ మహేష్ బాబు .. డైరెక్షర్ వంశీ పైడిపల్లి క్రేజీ కాంబినేషన్లో షూటింగ్ జరుపుకుంటున్న ‘మహర్షి’ సినిమా మీద మహేష్ చాలా ఆశలు పెట్టుకున్నాడు. అందుకే ప్రతి సన్నివేశం పై ప్రత్యేక శ్రద్ద తీసుకుంటూ.. జాగ్రత్తపడుతున్నాడు. ఈ సినిమాతో భారీ హిట్టు కొట్టి తన ఖాతాలో వేసుకునేందుకు మహేష్ ఆరాటపడుతున్నాడు.
ఇప్పటివరకు వచ్చిన అవుట్ పుట్ నుతాజాగా దర్శక నిర్మాతలు..మహేశ్ బాబు కలిసి చూశారట. కీలకమైన కొన్ని సీన్స్ తాను ఆశించినట్టుగా రాలేదంటూ మహేశ్ బాబు అసంతృప్తిని వ్యక్తం చేశాడట. ఆ సన్నివేశాలను రీ షూట్ చేస్తే బాగుంటుందనే అభిప్రాయాన్ని వ్యక్తం చేశాడట. దాంతో దర్శక నిర్మాతలు అందుకు అంగీకరించినట్టుగా ఫిల్మ్ సర్కిల్ లో గుసగుసలు వినిపిస్తున్నాయి
ఇప్పటికే 50 శాతం టాకీ పార్ట్‌ని, రెండు పాటలను కంప్లీట్‌ చేసుకున్న ఈ సినిమా నాలుగో షెడ్యూల్‌ అక్టోబర్‌ 15న న్యూయార్క్‌లో స్టార్ట్‌ కాబోతోంది. సుమారు 20 రోజుల పాటు జరిగే ఈ షెడ్యూల్‌లో మహేష్, పూజా హెగ్డే , జయసుధలపై కీలక సన్నివేశాలను చిత్రీకరించనున్నారు.అక్కడే రెండు పాటలను కూడా షూట్ చేస్తారని తెలుస్తోంది. ఆ తర్వాత చివరి షెడ్యూల్‌ హైదరాబాద్‌లో నవంబర్‌ 10న ప్రారంభం అవుతుందని సమాచారం. వచ్చే ఏడాది ఉగాది కానుకగా ఏప్రిల్‌ 5న ఈ సినిమా ప్రేక్షకుల ముందుకు వచ్చేందుకు సిద్ధంగా ఉంది.
