నందమూరి కుర్రోడు కళ్యాన్ రామ్ నిర్మాతగానే కాకుండా హీరోగా తన సత్తా చాటుతున్నాడు. హిట్, ఫ్లాప్ లతో సంబంధం లేకుండా వరుస సినిమాలతో దూసుకు పోతున్నాడు. ప్రస్తుతం వేణు మల్లిడి దర్శకత్వంలో ‘తుగ్లక్’ సినిమా చేస్తున్నాడు కళ్యాన్ రామ్. ఈ సినిమా పూర్తయిన తర్వాత వెంటనే సతీష్ వేగేశ్న తో మరో సినిమాకు కమిట్ అయినట్లు సమాచారం. అయితే ఈ సినిమాలో కళ్యాన్ రామ్ కి హీరోయిన్ గా మెహ్రీన్ ను తీసుకున్నారు.
ఇంతవరకూ సతీశ్ వేగేశ్న ‘శతమానం భవతి’ .. ‘ శ్రీనివాస కల్యాణం’ వంటి కుటుంబ కథాచిత్రాలనే తెరకెక్కించారు. ‘శతమానం భవతి’ సూపర్ హిట్ కాగా… ‘ శ్రీనివాస కల్యాణం’ నిరాశపరిచింది. ఇక కృష్ణగాడి వీర ప్రేమగాథ సినిమా తర్వతా మెహ్రీన్ టాలీవుడ్ లో వరుస విజయాలు అందుకుంటుంది.
ఈ సంవత్సరం సంక్రాంతి కానుకగా వచ్చిన ‘ఎఫ్ 2’సినిమా మంచి విజయం అందుకున్న విషయం తెలిసిందే. ఇక ఈ సినిమా యాక్షన్ తో కూడిన ఫ్యామిలీ ఎంటర్టైనర్ అని తెలుస్తోంది. ఈ సినిమాలో మెహ్రీన్ పాత్రకి కూడా ప్రాధాన్యత ఉంటుందని చెబుతున్నారు.
