సావిత్రి జీవిత కథతో వచ్చిన మహానటి సినిమా బాక్సాఫీస్ దగ్గర మంచి విజయాన్ని అందుకుంది. నాగ్ అశ్విన్ డైరక్షన్ లో వచ్చిన ఈ సినిమాలో సావిత్రిగా కీర్తి సురేష్ నటించడం విశేషం. తెలుగు రెండు రాష్ట్రాల్లోనే కాదు యూఎస్ లో ఈ సినిమా వసూళ్ల ప్రభంజనం సృష్టించింది. ప్రీమియర్స్ తో పాటుగా మొదటి రోజులోనే మిలియన్ డాలర్స్ క్లబ్ లో చేరిన మహానటి సినిమా ఏకంగా యూఎస్ టాప్ కలక్షన్స్ లో 6వ స్థానంలో నిలిచింది.
ఈ సినిమా ఇప్పటివరకు యూఎస్ లో 2.5 మిలియన్ డాలర్స్ వసూలు చేసి ఖైది నంబర్ 150, అ ఆ సినిమాలను దాటేసింది. ఇక ఫుల్ రన్ లో 2.7 మిలియన్ డాలర్స్ వసూళు చేయొచ్చని అంటున్నారు. బాహుబలి-2, బాహుబలి-2, రంగస్థలం, భరత్ అనే నేను, శ్రీమంతుడు టాప్ 5 లిస్ట్ లో ఉన్నాయి. ఒకవేళ 2.87 మిలియన్ డాలర్స్ వసూళ్లను దాటితే శ్రీమంతుడు కన్నా మహానటి టాప్ 5వ స్థానంలో ఉంటుంది.
వైజయంతి బ్యానర్ లో అశ్వనిదత్ సమర్పించిన ఈ సినిమాను స్వప్నా దత్, ప్రియాంకా దత్ నిర్మించారు. మిక్కి జే మేయర్ సంగీతం అందించిన ఈ సినిమా ఊహించని విధంగా బ్లాక్ బస్టర్ మూవీ అయ్యింది.
