Specialsజ్యోతి అంత పని చేసిందా...

జ్యోతి అంత పని చేసిందా…

తెలుగు బిగ్ బాస్ షోలో పాల్గొని, తొలి వారంలోనే ఎలిమినేట్ అయిన జ్యోతిని ఇప్పుడంతా శభాష్ అంటున్నారు. బిగ్ బాస్ హౌస్‌లో పాల్గొనడం ద్వారా వచ్చిన పారితోషికంలో కొంత మొత్తాన్ని జ్యోతి ఓ మంచి పనికి ఉపయోగించింది. తెలుగు నటి సుభాషిణి క్యాన్సర్ బారినపడి ఆర్థికంగా ఇబ్బందులు పడుతున్న సంగతి తెలిసిందే. ఈ విషయం తెలుసుకున్న జ్యోతి.. బిగ్ బాస్ షోలో పాల్గొనడం ద్వారా తనకు అందిన మొత్తంలో నుంచి రూ. 50 వేలను సుభాషిణికి ఇచ్చింది. బిగ్ బాస్ హౌస్‌లో ఉన్నప్పుడు ఆమె ఎలిమినేట్ కావడానికి కారణమైన ప్రేక్షకులు.. జ్యోతి చేసిన మంచి పని గురించి తెలుసుకొని ఫిదా అవుతున్నారు.

అందరూ అనుకుంటున్నట్లు జ్యోతి అంటే వివాదాలే కాదు.. ఓ మంచి మనసున్న మనిషి అని చాటారామె. సుభాషిణి ఆర్థికంగానూ, ఆరోగ్యపరంగా చాలా ఇబ్బందుల్లో ఉన్న విషయమై తెలుసుకున్నారు. సుభాషిణి నేరుగా ఆమెను అడగకపోయినా.. జ్యోతి మాత్రం తనంతట తానే ఆమెకు ఆర్థిక సాయం చేశారు.నటిగా దాదాపు తెరమరుగు అవుతున్న స్థితిలో బిగ్ బాస్‌లో పాల్గొనే అవకాశం జ్యోతికి దక్కింది. పెళ్లి చేసుకున్న తర్వాత వ్యక్తిగతంగా ఆమె అనేక కష్టాలను ఎదుర్కోవాల్సి వచ్చింది. అయినా మనో నిబ్బరంతో జీవితంలో ముందుకు సాగుతోంది. కష్టాల గురించి తెలుసు కాబట్టే.. ఇబ్బందుల్లో ఉన్న సాటి నటీమణిని జ్యోతి ఆదుకుంది. మిగతా విషయాల్లో జ్యోతి వ్యవహారశైలిని విమర్శించే వారు కూడా ఇప్పుడు ఆమెను ప్రశంసించకుండా ఉండలేకపోతున్నారు

మ‌రిన్ని సినిమా వార్త‌ల కోసం ఈ లింక్ క్లిక్ చేయండి

Latest news