టాలీవుడ్ లో ప్రముఖ విప్లవ దర్శకుడు టి.కృష్ణ తనయుడు గోపిచంద్ హీరోగా ఎంట్రీ ఇచ్చాడు. మొదటి సినిమా పెద్దగా హిట్ కాకపోవడంతో విలన్ గా నటించడానికి సిద్దపడ్డారు. ఈ నేపథ్యంలో జయం, నిజం, వర్షం లాంటి సినిమాలో విలన్ గా నటించినప్పటికీ హీరో రేంజ్ పేరు సంపాదించాడు. ఆ తర్వాత యాక్షన్ తరహా సినిమాల్లో నటించిన గోపిచంద్ ఆ మద్య లౌక్యం సినిమాతో మంచి ఫ్యామిలీ హీరోగా గుర్తింపు తెచ్చుకున్నాడు.
ఈ సినిమా తర్వాత గోపించంద్ నటించిన సినిమాలు దాదాపు అన్ని ఫ్లాప్ టాక్ తెచ్చుకున్నాయి. ప్రస్తుతం తిరు దర్శకత్వం లో అనిల్ సుంకర్ నిర్మిస్తొన్న ఓ సినిమాలో గోపిచంద్ నటిస్తున్నాడు. ఈ సినిమాకు సంబంధించిన షూటింగ్ జైపూర్ లో జరుగుతుంది.
తాజాగా ఈ షూటింగ్ లో గోపిచంద్ బైక్ చేజింగ్ చిత్రీకరణ చెస్తున్న సమయంలో స్కిడ్ అవ్వటంతో స్వల్ప గాయాలు అయినట్లు సమాచారం. వెంటనే అతన్ని దగ్గరలోని ఓ ప్రైవేట్ ఆసుపత్రికి తరలించగా గోపిచంద్ ని పరీక్షించిన డాక్టర్లు ప్రాణానికి ప్రమాదం ఏమీ లేదని చెప్పడంతో ఊపిచి పీల్చుకున్నారు చిత్ర యూనిట్.
