అక్కినేని నాగచైతన్య, సమంత.. వీరిద్దరికీ సంబంధించిన ఏవార్త వచ్చినా సోషల్ మీడియాలో వైరల్ అవుతూనే ఉంది. ఏం మాయ చేశావే మూవీలో కలిసి నటించి రీల్ స్టోరీలో ప్రేమను రియల్ లైఫ్‌లోనూ కంటిన్యూ చేస్తూ పెళ్లి పీటలు ఎక్కేందుకు రెడీ అయ్యారు క్యూట్ లవ్ కపుల్స్ సామ్ చై. జనవరిలో వీరి నిశ్చితార్థ వేడుక హైదరాబాద్‌లో ఘనంగా జరగగా.. అక్టోబర్ 6న వీరి వివాహ వేడుకను గోవాలో నిర్వహిస్తున్నారు.
వీరి వివాహానికి సంబంధించిన పనుల్లో ఇరుకుటుంబాలు బిజీగా ఉన్నాయి. అయితే చైతూ, సమంత పెళ్లి కార్డు అంటూ సోషల్ మీడియాలో ఓ శుభలేఖ చక్కర్లు కొడుతుంది.అక్కినేని నాగేశ్వరరావు, అన్నపూర్ణ, రామానాయుడు, రాజేశ్వరి జంటల ఆశీస్సులతో నాగచైతన్య, సమంతలు అక్టోబర్ 6,7 తేదీలలో ఒక్కటి కానున్నారని ఈ ఆహ్వాన పత్రికలో ఉంది. అలాగే గోవా వగేటర్‌ బీచ్‌లోని ది డబ్ల్యూ హోటల్‌లో ఈ శుభకార్యం జరగనున్నట్లు పత్రికలో పేర్కొన్నారు.
అలాగే పెళ్లికి అహ్వానించే వారు నాగార్జున, అమల పేర్లతో పాటు నాగచైతన్య తల్లి లక్ష్మి, ఆమె భర్త శరత్ పేర్లను కూడా పత్రికపై ప్రచురించడంతో ఈ పెళ్లికార్డును అక్కినేని అభిమానులు విపరీతంగా షేర్ చేస్తున్నారు. అయితే ప్రస్తుతం సోషల్ మీడియాలో వైరల్‌గా మారిన ఈ శుభలేఖ నిజమైనదేనా లేక ఫ్యాన్ మేడ్ శుభలేఖా అన్నదానిపై క్లారిటీ రావాల్సిఉంది.ప్రస్తుతం నాగ చైతన్య ‘యుద్దం శరణంగచ్చామి’ సినిమాలో నటిస్తుండగా.. సమంత రాంచరణ్ సరసన ‘రంగస్థలం’ చిత్రంలో నటిస్తున్న విషయం తెలిసిందే.
