విశ్వ‌క్‌సేన్‌ బాల‌కృష్ణ కాంపౌండ్ కాదా… మెగాస్టార్ స్ట్రాంగ్ రిప్లే…!

మాస్ కా దాస్ విశ్వక్ సేన్ నటిస్తున్న లేటెస్ట్ సినిమా ‘లైలా’ . ప్రేమికుల రోజు కానుకగా ఫిబ్రవరి 14న గ్రాండ్ రిలీజ్‌కు రెడీ అవుతోంది. ప్ర‌మోష‌న్లు జోరుగా న‌డుస్తున్నాయి. రామ్ నారాయణ్ దర్శకత్వంలో సాహు గారపాటి నిర్మించిన ఈ సినిమా ప్రీ రిలీజ్ ఈవెంట్ తాజాగా హైదరాబాద్ లో జ‌రిగింది. ఈ ఈవెంట్‌కు ముఖ్య అతిథిగా మెగాస్టార్ చిరంజీవి వ‌చ్చారు. ఈ క్ర‌మంలోనే మొన్న ఓ ఈవెంట్‌లో ఓ విలేక‌రి అడిగిన ప్ర‌శ్న‌కు విశ్వ‌క్ సేన్ ఇచ్చిన ఆన్స‌ర్‌ను మెగాస్టార్ మెచ్చుకున్నారు.చిరు మాట్లాడుతూ ‘మొన్న ఓ ఈవెంట్ లో అడిగిన ప్రశ్నకు ‘విశ్వక్ సేన్’ భలే సమాధానం చెప్పాడు. మీరు బాలకృష్ణ కాంపౌండ్ కదా… మరి చిరంజీవి వైపు వచ్చారేంటి అని ప్రశ్నిస్తే… మా ఇంటికి కాంపౌండ్ ఉంది కానీ, ఫిలిం ఇండస్ట్రీకి కాంపౌడ్ లేదు అని చక్కగా బదులిచ్చాడు’ అని చిరు మెచ్చుకున్నారు. విశ్వ‌క్ ఆ విధంగా స‌మాధానం చెప్పినందుకు తాను అభినందిస్తున్నాన‌ని… మ‌నుష్యులు అన్నాక వేరే వాళ్ల‌పై అభిమానం ప్రేమ ఉండ‌కూడ‌దా ? నాపై ఆప్యాయ‌త‌.. అనురాగం ఉండ‌కూడ‌దా ? అన్నారు.ఇక మా ఇంట్లోనే మా అబ్బాయికి సూర్య అంటే ఎంతో ఇష్టం… అంత మాత్రానా వాడి ఫంక్ష‌న్‌కు నేను వెళ్ల‌కూడ‌దా ? వాడితో క‌లిసి ఉండ‌కూడ‌దా ? వాడితో క‌లిసి భోం చేయ‌కూడ‌దా ? సినిమా వాళ్లు బాగానే ఉంటారు.. కానీ అభిమానులు మాత్రం కొట్టుకు చ‌స్తార‌ని అర్థ‌మైంద‌ని చిరు అన్నారు. తాను హీరోని అయ్యాక హీరోల మధ్య సఖ్యత, సుహృద్భావ వాతావరణం ఉండాలనే కోరుకున్నాన‌ని చిరు చెప్పారు.