ఇప్పుడు బాలయ్య పేరు సోషల్ మీడియాలో ఎలా మారుమ్రోగిపోతుందో మనకు బాగా తెలిసిందే. గత 24 గంటల నుంచి సోషల్ మీడియాలో బాలయ్యకు సంబంధించిన “డాకు మహారాజ్” మూవీ వార్తలు ఎక్కువగా వినిపిస్తున్నాయి. బాబీ దర్శకత్వంలో బాలయ్య తాజాగా నటించిన సినిమానే ఈ డాకు మహారాజ్. బాలయ్య డ్యూయెల్ షేడ్స్ లో అదరగొట్టేసాడు . నానాజీ పాత్రలో పర్వాలేదు అనిపించిన .. డాకు మహారాజ్ పాత్రలో మాత్రం గూస్ బంప్స్ తెప్పించేశారు .
థియేటర్లలో ఒక్కొక్క సీను పడుతుంటే నందమూరి ఫ్యాన్స్ రోమాలు నిక్కబడుచుకునేలా బ్యాక్ గ్రౌండ్ మ్యూజిక్ అందించాడు తమన్. ఈ సినిమాకి తెరపై హీరో బాలయ్య అయితే తెర వెనుక హీరో మాత్రం తమన్ అందులో నో డౌట్ 100% నిజం అంటూ నందమూరి ఫ్యాన్స్ కూడా ఓపెన్ గానే ఒప్పేసుకున్నారు. కాగా ఈ సినిమా మొదటి రోజు 30 కోట్లు కలెక్షన్స్ సాధించినట్లు వార్తలు వినిపిస్తున్నాయి . ఇది బాలయ్య కెరియర్ లోనే హైయెస్ట్ రికార్డ్స్ . ఇప్పటి వరకు బాలయ్య నటించిన అన్ని సినిమాలల్లోకి ఈ మూవీ నే తోపు.&fmt=webp)
ఇదే మూమెంట్లో బాలయ్య కెరియర్ లోని అత్యధికంగా మొదటి రోజు కలెక్షన్స్ సాధించిన టాప్ ఫైవ్ మూవీ వివరాలు ఇప్పుడు సోషల్ మీడియాలో ట్రెండ్ అవుతున్నాయి . కాగ గోపీచంద్ మల్లినేని దర్శకత్వంలో బాలయ్య నటించిన వీర సింహారెడ్డి ఆయన కెరియర్ లోనే ఫస్ట్ డే హైయెస్ట్ కలెక్షన్స్ సాధించిన మూవీగా ఇప్పటి వరకు చరిత్రలో నిలిచిపోయింది . మొదటి రోజు 25.35 కోట్లు కలెక్ట్ చేసింది. ఇక అఖండ సినిమా మొదటి రోజు 15.39 కోట్లు షేర్ వసుళ్లు చేసింది . ఆ తర్వాత అనిల్ రావిపూడి దర్శకత్వంలో బాలయ్య నటించిన “భగవంత్ కేసరి” సినిమా మొదటి రోజు 14.36 కోట్లు షేర్ చేసింది. ఎన్టీఆర్ బయోపిక్గా తెరకెక్కిన ‘ఎన్టీఆర్ కథానాయకుడు’ సినిమా 7.5 కోట్లు షేర్ వసూళ్లు చేసింది . అయితే బాలకృష్ణ సినీ కెరియర్ లో ఇప్పటివరకు హైయెస్ట్ ఓపెనింగ్స్ ఈ నాలుగు సినిమాలే టాప్ ప్లేస్ లో ఉన్నాయి . ఇప్పుడు ఆ ప్లేస్ లోకి బాలకృష్ణ నటించిన “డాకు మహారాజ్” వచ్చి చేరింది. ఫస్ట్ డే మొత్తంగా 30 కోట్లు కలెక్ట్ చేసి బాలయ్య చిర కాల కోరిక తీర్చేసింది..!
