ప‌వ‌న్ న్యూ ఇయ‌ర్ గిఫ్ట్‌.. హ‌రిహ‌ర వీర‌మ‌ల్లు నుంచి గూస్‌బంప్స్ అప్‌డేట్‌

టాలీవుడ్ పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్ గా దర్శకుడు జ్యోతి కృష్ణ తెరకెక్కిస్తున్న భారీ పాన్ ఇండియా సినిమా హరిహర వీరమల్లు. భారీ అంచనాలు ఉన్న ఈ సినిమా షూటింగ్ దాదాపు కంప్లీట్ అవుతోంది. దాదాపు మూడేళ్ల నుంచి ఈ సినిమా షూటింగ్ న‌డుస్తోంది.వీర‌మ‌ల్లు సినిమాకి సంబంధించి ఫస్ట్ సింగిల్ ఎప్పుడు నుంచో రిలీజ్ కి వస్తుంద‌న్న టాక్ ఉంది. ఇపుడు ఫైనల్ గా ఈ సాంగ్ పై మళ్ళీ బజ్ వినిపిస్తుంది. జ‌న‌వ‌రి 1 నూత‌న సంవ‌త్స‌రం కానుక‌గా ఈ ఫ‌స్ట్ సింగిల్ వ‌చ్చే ఛాన్స్ ఉన్న‌ట్టు తెలుస్తోంది. దీనిపై అధికారిక ప్ర‌క‌ట‌న రావాల్సి ఉంది. ఈ సినిమాకు ఎంఎం. కీర‌వాణి సంగీతం అందిస్తున్నారు.ఇక ఫ‌స్ట్ సింగిల్‌గా వ‌చ్చే పాట స్వ‌యంగా ప‌వ‌న్ ఆల‌పించింది కావ‌డం మ‌రో విశేషం. శ్రీ సూర్యా మూవీస్ బ్యాన‌ర్‌పై ప‌వ‌న్‌తో ఖుషి, బంగారం లాంటి సినిమాలు నిర్మించిన ఏఎం. ర‌త్నం ఈ సినిమాను పాన్ ఇండియా రేంజ్‌లో భారీ బ‌డ్జెట్‌తో నిర్మిస్తున్నారు. మార్చి 28న హ‌రిహ‌ర వీర‌మ‌ల్లు పాన్ ఇండియా రేంజ్‌లో రిలీజ్ కానుంది.