రన్బీర్ కపూర్ .. నిన్న మొదటి వరకు ఈ పేరు కేవలం బాలీవుడ్ జనాలు మాత్రమే ఎక్కువగా పలికేవారు . అయితే ఎప్పుడైతే యానిమల్ సినిమా రిలీజ్ అయిందో అప్పటినుంచి తెలుగులో కూడా ఈ పేరు మారు మ్రోగిపోతుంది. బాలీవుడ్ లో బడా హీరో అయినప్పటికీ తెలుగులో పెద్దగా గుర్తింపు సంపాదించుకొని రన్బీర్ కపూర్ .. కేవలం ఒక్కటంటే ఒక్క సినిమాతోనే పాన్ ఇండియా లెవెల్ లో హిట్ కొట్టి సినిమా ఇండస్ట్రీని షేక్ చేసి పడేసాడు .
సందీప్ రెడ్డివంగా దర్శకత్వంలో తెరకెక్కిన యానిమల్ సినిమా ఎంత పెద్ద హిట్ అయిందో మనకు తెలిసిందే. ఏకంగా 900 కోట్లు క్రాస్ చేసి సంచలన రికార్డు నెలకొల్పింది. ఈ సినిమా విజయం తర్వాత రన్బీర్ కపూర్ స్థానం మరింత హై గా మారిపోయింది . యానిమల్ సినిమా తర్వాత ఆచితూచి నిర్ణయాలు తీసుకుంటున్నారని.. ఇప్పుడు మరో తెలుగు డైరెక్టర్ కి కమిట్ అయినట్లు తెలుస్తుంది. ఆయన మరెవరో కాదు సుకుమార్ .
పుష్ప సినిమాతో పాన్ ఇండియా లెవెల్ లో గుర్తింపు సంపాదించుకున్న సుకుమార్ తో ఒక క్రేజీ ప్రాజెక్టుకి కమిట్ అయ్యాడట రన్బీర్ కపూర్ . ప్రజెంట్ ఇదే న్యూస్ ఇండస్ట్రీలో వైరల్ గా మారింది . పుష్ప సినిమా ద్వారా బాలీవుడ్ లో కూడా క్రేజ్ దక్కించుకున్నాడు సుకుమార్ . ఆయన తెరకెక్కించే సినిమాలు బాగుంటాయి అన్న పేరు కూడా వచ్చింది . ఈ క్రమంలోనే యానిమల్ తర్వాత అలాంటి హిట్ పడాలి అంటే కచ్చితంగా ఆ స్థాయి డైరెక్టర్ ఉంటేనే కరెక్ట్ అనుకున్నారని ..సుకుమార్ కి కమిట్ అయ్యాడట. త్వరలోనే దీనిపై అఫీషియల్ ప్రకటన రాబోతుందట..!!
