టాలీవుడ్ హీరో అల్లు అర్జున్ ప్రధాన పాత్రలో నటించి వరల్డ్ వైడ్‌గా సెన్సేషన్ క్రియేట్ చేసిన విలేజ్ యాక్షన్ డ్రామా పుష్ప ది రైజ్‌. క్రియేటివ్ డైరెక్టర్ సుకుమార్ దర్శకత్వంలో తెరకెక్కిన ఈ సినిమా ఎలాంటి ప్రమోషన్ లేకుండా ఏకంగా బాలీవుడ్ లో రూ.100 కోట్లకు పైగా వసూళ్లు కొల్లగొట్టింది. ప్రపంచ వ్యాప్తంగా రూ.365 కోట్లకు పైగా వసూళ్లు పుష్ప సినిమాకు వచ్చాయి. ఇప్పుడు పుష్ప సినిమాకు సీక్వెల్‌గా పుష్ప 2 ది రూల్ తెరకెక్కుతోంది.
మైత్రి మూవీ మేకర్స్ పతాకం పై నవీన్ ఎర్నేని, ఎలమంచిలి రవిశంకర్ సంయుక్తంగా ఈ భారీ బడ్జెట్ సినిమాను నిర్మిస్తున్నారు. రష్మిక మందన్న హీరోయిన్గా నటిస్తోంది. పుష్ప సూపర్ డూపర్ హిట్ అవడంతో ఇప్పుడు పుష్ప 2 పై దేశవ్యాప్తంగా భారీ అంచనాలు ఉన్నాయి. ఈ సినిమాలో సునీల్, అనసూయ భరద్వాజ్, ధనంజయ్‌, ఫహద్ ఫాజిల్, రావు రమేష్ తదితరులు కీలకపాత్రలలో కనిపిస్తున్నారు. తాజాగా ఈ సినిమాకు దర్శకుడు సుకుమార్ తీసుకుంటున్న రెమ్యున‌రేషన్ టాలీవుడ్ వర్గాల్లో హాట్‌ టాపిక్‌గా మారుతుంది.
పుష్ప సినిమాతో సుకుమార్ పేరు దేశవ్యాప్తంగా పాపులర్ అయింది. పైగా ఈ సినిమాలో హీరో బన్నీకి జాతీయ అవార్డు కూడా దక్కింది. దీంతో సుకుమార్ పేరు దేశవ్యాప్తంగా ట్రెండ్ అయింది. ఇప్పుడు పుష్ప 2 సినిమాకు గాను సుకుమార్ డిమాండ్ చేసి మరి రూ.100 కోట్ల రూపాయల రెమ్యూనరేషన్ తీసుకుంటున్నట్టు తెలుస్తుంది. అలాగే డిజిటల్, శాటిలైట్ హక్కుల రూపంలో కూడా ఈ రెమ్యూనరేషన్ ఉండబోతున్నట్టుగా కూడా సమాచారం. ఏది ఏమైనా సుకుమార్ వందకోట్ల దర్శకుడు అయిపోవడం అంటే మామూలు సెన్సేషన్ కాదు. ఈ క్రేజీ ప్రాజెక్టు వచ్చే ఆగస్టు 15న వరల్డ్ వైడ్ గా రిలీజ్ కానుంది.
