టాలీవుడ్ మహానటిగా పాపులారిటీ సంపాదించుకున్న కీర్తి సురేష్ ఎలాంటి క్రేజీ స్థానంలో ఉందో ప్రత్యేకంగా చెప్పక్కర్లేదు . నేను శైలజ సినిమా ద్వారా తెలుగు చలనచిత్ర పరిశ్రమలోకి హీరోయిన్గా ఎంట్రీ ఇచ్చిన ఈ ముద్దుగుమ్మ .. అంతకుముందే చైల్డ్ ఆర్టిస్ట్ గా పలు సినిమాలో నటించిన విషయం తెలిసిందే . కాగా మహానటి సినిమాతో ఓవర్ నైట్ లో స్టార్ బ్యూటీగా రాజ్యమేలేసిన ఈ బ్యూటీ ఇప్పటికీ ఆ సినిమాకు వచ్చిన క్రేజ్ ద్వారానే అవకాశాలు అందుకుంటుంది .
మరి కొద్ది రోజుల్లోనే భోళా శంకర్ సినిమా ద్వారా మరో హిట్టు తన ఖాతాలో వేసుకోవడానికి సిద్ధంగా ఉన్న కీర్తి సురేష్ బంపర్ ఆఫర్ కొట్టేసినట్లు వార్తలు వినిపిస్తున్నాయి. ఇప్పటి వరకు శాండిల్ వుడ్, టాలీవుడ్, కోలీవుడ్ లో సినిమాలు చేసిన ఈ కీర్తి సురేష్ ఇప్పుడు బాలీవుడ్ లో ను అడుగుపెట్టబోతుంది అంటూ తెలుస్తుంది . ఈ మేరకు బాలీవుడ్ మీడియాలో ఓ న్యూస్ వైరల్ గా మారింది.
బాలీవుడ్ యంగ్ అండ్ డైనమిక్ హీరో వరుణ్ ధావన్ సరసన కీర్తి సురేష్ నటించ బోతున్నట్లు తెలుస్తుంది. వరుణ్ ధావన్ బవాల్ చిత్రంతో ప్రేక్షకుల ముందుకు వచ్చి సూపర్ హిట్ తన ఖాతాలో వేసుకున్నాడు . ఆ తర్వాత అట్లీ డైరెక్షన్లో ఓ సినిమా చేయబోతున్నట్లు తెలుస్తుంది . ఈ క్రమంలోనే ఈ తమిళ్ డైరెక్టర్ తమిళ్ హీరోయిన్ కీర్తి సురేష్ ని ఈ ప్రాజెక్టు కోసం ఎంచుకున్నారట . ఈ ప్రాజెక్టు ద్వారానే కీర్తి సురేష్ బాలీవుడ్లోకి ఎంట్రీ ఇవ్వబోతుంది. దీంతో ఈ న్యూస్ వైరల్ గా మారింది..!!
