అనుష్క అప్పుడెప్పుడో ఫ‌స్ట్ లాక్ డౌన్ టైంలో స్క్రీన్ మీద క‌నిపించింది. ఆమె న‌టించిన నిశ్శ‌బ్దం సినిమా ఓటీటీలో రిలీజ్ అయ్యింది. అంత‌కు ముందే చూస్తే ఆమె ఏ సినిమాలో న‌టించిందో ఎవ్వ‌రికి గుర్తు లేదు. దాదాపు 15 ఏళ్లుగా తెలుగు సినిమాను కాదు సౌత్ సినిమాను ఏలేసిన అనుష్క బాహుబ‌లి ది కంక్లూజ‌న్ సినిమా ద్వారా మాత్రమే మ‌న ప్రేక్ష‌కుల‌కు బాగా గుర్తుంది. ఆ సినిమా క‌నీవినీ ఎరుగ‌ని రేంజ్‌లో సంచ‌ల‌న విజ‌యం సాధించింది. ఇక నిశ్శ‌బ్దాన్ని చాలా మంది గుర్తుంచు కోలేదు.
ఫ‌స్ట్ లాక్ అయిపోయింది. ఆ త‌ర్వాత మూడు సార్లు మొత్తంగా క‌రోనా వ‌చ్చి వెళ్లింది. అయినా అనుష్క మాత్రం తెర‌మీద‌కు రాలేదు. అయితే ఎట్ట‌కేల‌కు లాంగ్ గ్యాప్ త‌ర్వాత ఇప్పుడు అనుష్క టాలీవుడ్‌లోకి అడుగు పెట్ట‌బోతోంది. ఈ నెల 4 నుంచి ఆమె కొత్త సినిమా మొద‌ల‌వుతోంది. నవీన్ పొలిశెట్టి, అనుష్క హీరోహీరోయిన్లుగా యూవీ క్రియేషన్స్ ఓ కొత్త సినిమా ఎప్పుడో స్టార్ట్ చేసింది.
అయితే అది ఇప్ప‌టి వ‌ర‌కు ప‌ట్టాలు ఎక్క‌క‌పోవ‌డంతో ఉంటుందా ? ఉండ‌దా ? అన్న సందేహాలు చాలా మందికి ఉన్నాయి. ఇక అనుష్క ఫేడ‌వుట్ అయిపోవ‌డంతో కూడా ఈ సినిమా ఉంటుందా ? అన్న అనుమానాలు కూడా ఎక్కువ అయ్యాయి. అయితే ఈ పుకార్ల‌కు చెక్ పెట్టేశారు నిర్మాత‌లు. సోమ‌వారం నుంచి ఈ సినిమా సెట్స్ మీద‌కు రానుంది.
అనుష్క‌కు ఈ బ్యాన‌ర్‌తో చ‌క్క‌ని అనుబంధం ఉంది. గ‌తంలో మిర్చి, భాగ‌మ‌తి సినిమాలు చేసింది. ఇప్పుడు హ్యాట్రిక్ మూవీగా ఈ సినిమాను స్టార్ట్ చేయ‌బోతున్నారు. అనుష్క‌కు కెరీర్ ప‌రంగా ఇది 48వ సినిమా. వైవిధ్య‌మైన కాన్సెఫ్ట్‌తో తెర‌కెక్కే ఈ సినిమాకు ద‌ర్శ‌కుడు మహేష్. విచిత్రం ఏంటంటే ఈ సినిమాలో అనుష్క తన నిజ‌జీవిత క‌థ‌లో న‌టిస్తోంద‌నిపిస్తోంది.
క‌థ ప‌రంగా చూస్తే వ‌య‌స్సు అయిపోతున్నా కూడా పెళ్లంటే ఇంట్ర‌స్ట్ లేని అమ్మాయిగా అనుష్క ఈ సినిమాలో క‌నిపించ‌బోతోంది. అయితే వాస్త‌వంగా చూస్తే కూడా అనుష్క రియ‌ల్ లైఫ్ ఇలాగే ఉంది. ఎప్ప‌టిక‌ప్పుడు పెళ్లి అంటూనే ఉంటున్నా.. పెళ్లి మాత్రం చేసుకోవ‌డం లేదు. పోనీ ఇప్పుడు సినిమాలు లేవు.. అనుకున్నా ఇంత‌లోనే సినిమాకు ఓకే చెప్పేసింది. ఇక ఈ సినిమాలో క‌థా ప‌రంగా తన కంటే చిన్నోడితో అనుష్క ప్రేమ‌లో ప‌డుతుంద‌ని కూడా టాక్ ?
