అశ్విన్ గంగరాజు దర్శకత్వంలో కొత్త ఆర్టిస్టులతో రూపొందుతున్న చిత్రం ‘ఆకాశవాణి. ఈ సినిమాను పద్మనాభరెడ్డి నిర్మిస్తున్నారు. ఈ సినిమాకు సంబంధించి ఇప్పటికే విడుదలైన ఫస్ట్‌లుక్‌, టీజర్‌లు సినిమాపై అంచనాలు పెంచేశాయి. ఈ సినిమాను ‘సోనీ లైవ్‌’ ఓటీటీ వేదికగా ఈ నెల 24న విడుదల చేయనున్నారు. సినిమా విడుదల తేదీ దగ్గరపడడంతో చిత్ర ప్రమోషన్‌లో భాగంగా మూవీ యూనిట్‌ తాజాగా ట్రైలర్‌ను విడుదల చేసింది.
తాజాగా ఈ సినిమా ట్రైలర్ ను యంగ్ రెబల్ స్టార్ ప్రభాస్ రిలీజ్ చేశారు. అడవి ప్రాంతంలోని గిరిజన గూడెం చుట్టూ అల్లుకోబడిన కథ అనే విషయం ట్రైలర్ బట్టి అర్థమవుతోంది. ఈ ట్రైలర్ సినిమాపై ఒక్కసారిగా అంచనాలను పెంచేసింది. అశ్విన్ గంగరాజు ఎంతో చక్కగా ఈ సినిమా తెరకెక్కించిన్నట్లు అర్ధమౌతుంది. అడవిపైనే ఆధారపడి ఒక గూడెం వాసులు బ్రతుకుతూ ఉంటారు. అయితే ఒక దొర వాళ్ల అజ్ఞానాన్ని ఆసరాగా చేసుకుని, వాళ్ల జీవితాలను శాసిస్తూ ఉంటాడు. ఎవరైనా తన మాటకి ఎదురు చెబితే వాళ్లని ఆ దొర చిత్రహింసలకు గురిచేస్తూ ఉంటాడు.
దాంతో వాళ్లు ఆయన ఆధిపత్యాన్ని అంగీకరిస్తూ ఉంటారు. ఆ గూడెం ప్రజలకు ఓ వ్యక్తి రేడియోను అందుబాటులోకి తీసుకొస్తాడు. ఆ రేడియో వాళ్ల జీవితాలను ఎలా ప్రభావితం చేసిందనేదే కథాంశంగా తెలుస్తోంది. ఇక ఈ సినిమాకి కాలభైరవ సంగీతాన్ని అందించాడు. సముద్రఖని, వినయ్ వర్మ కీలకమైన పాత్రల్లో నటిస్తున్నారు. రఘువరన్ బీటెక్, విఐపి-2 చిత్రాలతో తెలుగు ఆడియెన్స్‌కి చేరువైన తమిళ నటుడు పి సముద్రఖని క్రాక్ సినిమాతో విలన్ పాత్రలో తెలుగు వారికి మరింత దగ్గరయ్యాడు. ఇక ఆకాశవాణి సినిమాతో పాజిటివ్ పాత్రలో సముద్రఖని మరోసారి తెలుగు ఆడియెన్స్ ముందుకు రాబోతున్నాడు.
